Popular Bible Verses from San Marcos 6

Share

Jesús okinmilvi: —Xivikikah nova ik se lado kan tlalkavali iva ximosevikah se tzikitzi. Ijkó okinmilvi porke oyayah iva ovalayah sa tlawel miekeh gentejtih, asta amo okipiayah tiempo para tlakuaskeh.

Iva Jesús okinmilvi: —Se tiotenejmachti kitlakitah sentetl, pero amo kitlakitah kan ialtepe, nion kan ifamiliajvah iva nion kan ikalijtik.

Ijkuak Jesús otemok de itech barko, okittak sa tlawel miek gente, iva okinmiknomatki porke okatkah kemi ichkameh tlen amo kipiah tlajpixki. Iva ope kinmachtia de miek tlamantli.

Por eso Jesús amo ovelik okichi nion se tetzavitl ompa. San inpan sekimeh kokoxkeh okintlali imavah iva opajtikeh. Jesús omotetzavi porke yejvah amo okineltokakeh. Satepa Jesús onemia sentetl itech altepemeh tlen kateh ik ompa serka iva otlamachtiaya.

Jesús okontilanki in makuili pan ivan ome michimeh, oajkotlachixki iva okitlasojkamatki inavak Dios. Okipojpostekki in pan iva okinmakak in momachtijkeh para ma kinxejxelilikah in gentejtih. Noijki okinxejxelili nochtin in ome michimeh. Nochtin kuali otlakuajkeh asta kan oixvikeh. Satepa, in momachtijkeh okololojkeh in pedasos de pan iva de michi tlen osobraro iva okintemitijkeh majtlaktli ivan ome chikimeh.