Popular Bible Verses from San Lucas 3

Share

Se tonali Juan okinbautisarojtoka miekeh gentejtih, iva ijkuakó noijki okibautisaro in Jesús. Iva ijkuak Jesús omodiostzajtzilijtoka, in ilvikak otlapovik iva in Tioijyotzintli ovaltemok ipan Jesús kemi se palomax. Iva omokakki se tlajtoli itech ilvikak, okijto: —Te tinoKone tlen nimitztlasojtla, iva sa tlawel nikpia pakilistli monavak.

Pero Juan okinmilvi nochtin: —Ne nimechbautisarova ika atl. Pero vitz se tlakatl tlen imechbautisaros ika Tioijyotzintli iva ika tlitl. Ye okachi velitini iva amo kemin ne, iva nion amo notech povi para nikintojtomilis ikakvah.

Xikchivakah tlen kuali para ma motta nik yi neli yonmoyolkuapkeh. Iva amo xikyejyekokah ke imejvah kuali imonkateh san por intepilvah de Abraham. Porke yi neli nimechilvia ke asta ninmeh temeh Dios velis kinkuapas kemi ipilvah in Abraham.

In acha yi kajki para kintzontekis asta itech innelvayo in kuanmeh. Iva nochtin kuanmeh tlen amo kuali intlakilo, kintzontekiskeh iva kintlamotlaskeh ijtik tlitl.

Ijkó kemi in tiotenejmachti Isaías okijkuilo: Se tlajtoli mokaki chikavak tetzajtzilia kan tlavaki: “Xikyektlalikah iva xikmelavakah iojviv in toTeko. Kan tlawewejkatla moparejaros, nochtin tepemeh ivan lomajtih moixmanaskeh. Ojmeh tlen nejnekuilikeh momelavaskeh, in ojmeh tlen amo parejo kinmixmanaskeh. Iva nochtin tlaltikpaktlakah kittaskeh tlen toYejwatzi techvaltitlanilia para techmakixtis.”