Popular Bible Verses from ВЫСЛОЎІ 3

Share

Спадзявайся на Госпада ўсім сэрцам тваім і не кладзі надзеі на розум твой. На ўсіх дарогах тваіх спазнавай Яго, і Ён выпрастуе шляхі твае.

Ня будзь мудрацом у вачах тваіх; бойся Госпада, і пазьбягай ліха

Шануй Госпада ад імя твайго і ад пачаткаў усіх прыбыткаў тваіх; і напоўняцца засекі твае зь верхам, і чавільні твае будуць налівацца новым віном.

Літасьцівасьць і праўда хай не пакідаюць цябе; абвяжы імі шыю тваю, напішы іх на скрыжалі сэрца твайго

Пакараньня Гасподняга, сыне мой, не адхіляй, і ня лічы за лішніцу перасьцярогі Ягоныя; бо, каго любіць Гасподзь, таго карае і дабра зычыць таму, як бацька сыну свайму.

Сыне мой! навукі маёй не забывай, і запаведзі мае хай захоўвае сэрца тваё; бо даўжыні дзён, гадоў жыцьця і міру яны памножаць табе.

Шчасны той чалавек, які надбаў мудрасьць, і чалавек, які здабыў розум! Бо здабываньне яе лепшае за здабываньне срэбра, і прыбытку зь яе больш, чым ад золата. Яна даражэйшая за каштоўныя камяні; і нішто з таго, што жадана табе, не зраўняецца зь ёю.

Не адмаўляйся рабіць дабро, калі яно трэба, калі рука твая можа зрабіць гэта.

Гасподзь мудрасьцю ўтварыў зямлю, нябёсы паставіў розумам