Popular Bible Verses from ЭКЛЕЗІЯСТА 4

Share

Дваім лепей, чым аднаму, бо ёсьць ім добрая дзяка за іхнюю працу. Бо, як адзін упадзе, падыме другі свайго сябра! Але гора таму, хто адзін упадзе, а другога няма, хто падняў бы яго.

І калі б хто напаў на другога, дык выстаяць двое супраць таго. І нітка, ссуканая з трох, ня скора парвецца.

Гэтак сама, як двое ляжаць, дык ім цёпла; а дзе аднаму прыгрэцца?

Лепей жменя спакою за поўныя прыгаршчы клопату і пагоню за ветрам.

І зноў я пабачыў, што ўсякая праца і посьпех усякі ў справах узаемную зайздрасьць паміж людзьмі спрычыняюць. І гэта - марнасьць і пагоня за ветрам!

Лепей бедны, ды разумны хлапчына, чым стары, ды неразумны цар, які рады ня слухае.