Popular Bible Verses from Maˬkuˆ 2

Share

Aˬ yawꞈ maꞈ kʼoeˇ loꞈ-ehˇ ehˇ gaˇ Yeˬsuˇ ya gaˬ-awˇ, heu loꞈ-ehˇ ehˇ kʼoꞈ nehˬ-euˬ meh. “Jawˇ saˇ doˆ luꞈ-eu deuˬ naˇ gawˇ laˆ saˆ-eu tsawˇ haˬ-ahˇ maˬ loˬ-a. Jawˇ saˇ maˬ doˆ-eu deuˬ tehꞈ-ehˇ loˬ-eu meh. Aˬ cawˬ yaw zeu baw-eu tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”

Aˬ yawꞈ maꞈ kʼoeˇ naˆ naˆ-ehˇ jah gaˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ kʼoeˇ gʼaˬ-ahˇ, “Ngaˬ li-oˇ, nawˬ-euˬ iˬ baˇ pyehˬ nehˬ gʼaˬ-euˬ ma” lehˇ ehˇ nehˬ-euˬ meh.

Yeˬsuˇ aˬ yawꞈ maꞈ-ahˇ ehˇ nehˬ-eu, “Jawˇ nah-aˬ, tawˇ haˬ zaˬ gʼaˇ duˬ muiˬ ni beh taˬ-euˬ jeˬ pyeuꞈ-eu meh. Jawˇ nah gʼaˇ duˬ tsawˇ haˬ zaˬ-ahˇ beh taˬ-euˬ maˬ ngeuˇ-a.

Tsawˇ haˬ tiˬ teuˇ jawˇ-eu miˇ neh, Yeˬsuˇ jawˇ gaˇ maˬ baꞈ keuˆ gʼeh nya-ehˇ, Yeˬsuˇ-euˬ uˬ duˬ uˬ taˆ nyiˬ paˆ-ehˇ, nymˇ mˬ laˆ pehꞈ-euˬ meh. Nymˇ mˬ laˆ pehꞈ gʼaˬ ngeh, kuiˇ shiˇ laꞈ shiˇ shiˇ-eu tsawˇ haˬ kʼoeˇ gʼaˬ-ahˇ gawˬ pu kʼoeˇ taˆ bi yuꞈ-awˇ, maˇ pehꞈ kʼoeˇ tsahˇ-ahˇ neh aˬ za za-ehˇ pyehˬ ka-euˬ meh.

Tsawˇhaˬ-euˬ Zaˬmaˇ-aˬ, miˇ tsaˬ heu kʼoeˇ taˆ iˬ baˇ pyehˬ nehˬ-eu baoˬ jaˆ-eu gaˇ kawˆ, ngaˇ naw maꞈ-ahˇ bi siˬ bi mawˇ ma.” Kʼoeˇ naˇ, kuiˇ shiˇ laꞈ shiˇ shiˇ-eu tsawˇ haˬ kʼoeˇ gʼaˬ-ahˇ aˬ yawꞈ ehˇ nehˬ-eu, “Tuˇ-awˇ, nawˬ-euˬ gawˬ pu baꞈ-awˇ gʼoꞈ-iˇ-awˬ lehˇ nawˬ-ahˇ ngaˇ ehˇ-eu ma.”

‘Nawˬ-euˬ iˬ baˇ pyehˬ nehˬ gʼaˬ-euˬ meh’ lehˇ ehˇ-eu awˬ dzehˬ ta loˇ. ‘Tuˇ-awˇ, nawˬ-euˬ gawˬ pu baꞈ-awˇ cah-awˬ’ lehˇ ehˇ nehˬ-eu awˬ dzehˬ ta loˇ.

Aˬ yawꞈ maꞈ dawˬ tawˆ luꞈ haw luꞈ ngeh, tsawˇ haˬ kʼoeˇ gʼaˬ tuˇ laˇ-awˇ, aˬ yawꞈ-euˬ gawˬ pu yaw kawˇ-ehˇ baꞈ-awˇ doˆ-iˇ-euˬ meh. Aˬ yawꞈ maꞈ dawˬ tawˆ luꞈ zahˬ dui dui leˇ-awˇ, Miˬ yehˇ-ahˇ ja ceuˬ-eu laꞈ kʼoeˇ ehˇ-eu, “Heu loꞈ-ehˇ gʼeh-eu jeˬ tiˬ jawˇ-iˬ maˬ mawˇ haw-aˬ.”