Popular Bible Verses from Maꞈtehˬ 24

Share

Yaw haiˬ jeˬ kʼoeˇ loꞈ-ehˇ myaˬ laˇ-awˇ, tsawˇ haˬ zaˬ-euˬ gʼoeˇ-eu gaˬ-eu jeˬ coꞈ-iˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni kamˬ coeˇ-eu tsawˇ haˬ deuˬ ka kʼoꞈ-eu jeˬ za tehꞈ-a.

Kʼoeˇ naˇ, miˇ tsaˬ tahˬ kʼawˇ heu doe ni, Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ doe tehꞈ-a. Kʼoeˇ dzeuˇ ngeh, aˇ saˬ saˬ-eu aˇ yamˬ keuˆ le tehꞈ-a.

Dawˬ peh guiˇ deuˆ luꞈ-eu teˇ saˇ hawˇ-eu, gaˇ mahˇ kaˬ gaˇ guiˇ deuˆ-eu gaˇ kawˆ naw maꞈ-ahˇ gaˬ laˇ tehꞈ-a. Ehˇ kʼawꞈ, naw maꞈ taˬ tsawˬ guˆ-iˇ. Kʼoeˇ loꞈ-ehˇ gʼeh-eu jeˬ yaw beh keuˆ le tehꞈ-a. Ehˇ kʼawꞈ, aˇ saˬ saˬ-eu aˇ yamˬ keuˆ le-euˬ maˬ ngeuˇ-a siˬ.

Miˇ kʼahˬ tiˬ kʼahˬ tiˇ kʼahˬ guiˇ deuˆ-awˇ, tsawˇ jeuˬ tiˬ jeuˬ tiˇ jeuˬ ceh tehꞈ-a. Mehꞈ-eu shuꞈ-eu jeˬ hawˇ-eu miˇ luˆ luˆ-eu jeˬ, yawˬ gaˇ na luꞈ keuˆ le tehꞈ-a. Heu deuˬ dawˬ tawˆ luꞈ, zaˬ baw-eu lehˇ gʼeh ngeh, uˬ maˆ naˇ dahˬ beh laˇ-eu loꞈ-ehˇ tehꞈ-a siˬ.

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya ni doˆ le-awˇ, ‘Ngaˇ Ka li ma’ lehˇ yawˬ haˇ yawˬ ha ehˇ-eu laꞈ kʼoeˇ, tsawˇ haˬ gʼawˬ mya ni-ahˇ gaˇ ma sheu bahˬ gʼeh tehꞈ-a.

Kʼoeˇ naˇ, naw maꞈ-ahˇ paꞈ-awˇ, bi kʼehˬ bi kʼaˆ-eu gʼaˇ duˬ hawˇ-eu, bi sehꞈ-eu gʼaˇ duˬ a nehˬ gaˇ ya daˬ tehꞈ-a. Naw maꞈ ngaˬ-ahˇ jah-eu baˬ ba neh, tsawˇ jeuˬ dawˬ tawˆ luꞈ naw maˬ-ahˇ muiˇ tehꞈ-a. Tsawˇ haˬ gʼawˬ mya ni, yawˬ ha-euˬ jah-eu jeˬ-ahˇ byehˇ dzeh tehꞈ-a. Aˬ yawꞈ maꞈ tiˬ gʼaˬ tiˇ gʼaˬ saˇ jaˇ puiˬ-awˇ, tiˬ gʼaˬ tiˇ gʼaˬ muiˇ tehꞈ-a. Miˬyehˇ gʼaˇ duˬ ngehˬ dah-eu jaˬ myawꞈ deuˬ gʼawˬ mya ni doˆ le-awˇ, tsawˇ haˬ gʼawˬ mya ni-ahˇ gaˇ ma sheuˬ bahˬ gʼeh tehꞈ-a.

Yeˬsuˇ ehˇ-eu, “Tsawˇ haˬ tiˬ gʼaˬ-iˬ naw maꞈ-ahˇ gaˇ ma maˬ bi sheuˬ bahˬ ni, yaw gahˇ gahˇ-ehˇ dehꞈ-awˬ.

Kʼoeˇ miˇ neh, naw maꞈ aˬ myah luꞈ lehˬ hmˬ dah taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˬ-ehˇ jawˇ luꞈ ngeh, Tsawˇhaˬ-euˬ Zaˬmaˇ oe tehꞈ-a.

“Naw maꞈ-euˬ Sahˬpaˬ aˬ geu ngeh nah oe-eu naw maꞈ maˬ siˬ nya-eu miˇ neh, yaw beuˇ beuˇ-ehˇ jawˇ-awˬ.

Aˇ nah aˇ yamˬ kʼoeˇ aˬ myah keuˆ le-eu tsawˇ haˬ tiˬ gʼaˬ-iˬ maˬ siˬ nya-a. Mˬ taˆ gʼaˬ kʼehˇ deuˬ maˬ ehˇ, Zaˬmaˇ maˬ ehˇ , maˬ siˬ nya-a. Aˬda Miˬyehˇ tiˬ gʼaˬ tehꞈ-ehˇ siˬ nya-eu meh.

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Tsawˇhaˬ-euˬ Zaˬmaˇ zaꞈ le-eu-aˬ, Noˇaˬ-euˬ ziˇ-ahˇ keuˆ le-euˬ jeˬ-ahˇ duˇ tehꞈ-a. Iˇ cuꞈ maˬ dahˬ pymˬ dah-euˬ jeˬ hu heu myaˆ nah laꞈ kʼoeˇ, Noˇaˬ lawˬ laꞈ kʼoeˇ daˆ uˇ leˇ ngeh nah keuˆ ni, tsawˇ haˬ zaˬ deuˬ dzaˬ byawˬ dawˇ byawˬ-awˇ, sheuˬ dahˬ dzaˬ taꞈ-eu maˬ tsehˆ leˇ-a. Iˇ cuꞈ huiˬ le-awˇ, aˬ yawꞈ maꞈ-ahˇ dehˬ dzaˬ gʼeh ngeh keuˆ ni, aˬ jeˬ keuˆ le-euˬ aˬ yawꞈ maꞈ-ahˇ maˬ siˬ leˇ-a. Tsawˇhaˬ-euˬ Zaˬmaˇ oe ngeh kʼawꞈ, kʼoeˇ gaˇ duˇ tehꞈ-a.