Popular Bible Verses from Maꞈtehˬ 16

Share

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Mˬtaˆ Miˇkʼahˬ laˇ gʼoˆ-euˬ mawˬ tawꞈ kahˬ nawˬ-ahˇ ngaˇ biꞈ ma. Miˇ tsaˬ kʼoeˇ taˆ nawˬ neh kʼaˇ laˆ tsoeˬ-euˬ jeˬ, mˬ kʼoeˇ taˆ kʼawꞈ laˆ tsoeˬ-awˇ, miˇ tsaˬ kʼoeˇ taˆ nawˬ neh kʼaˇ bi mˇ-euˬ jeˬ, mˬ kʼoeˇ taˆ kʼawꞈ bi mˇ tehꞈ-a.”

Aˬ jeˬ miˇ neh ehˇ naˇ, yawˬ ha-euˬ dehꞈ-eu jeˬ-ahˇ ka kʼoꞈ-eu lehˇ leh jeh-eu tsawˇ haˬ aˬ geu gʼaˬ maˬ kaˬ, dehꞈ-eu jeˬ-ahˇ ya smˬ-iˇ tehꞈ-a. Ehˇ kʼawꞈ, ngaˬ-euˬ gʼaˇ duˬ yawˬ ha-euˬ dehꞈ-eu jeˬ smˬ-euˬ tsawˇ haˬ aˬ geu gʼaˬ maˬ kaˬ, dehꞈ-eu jeˬ za tehꞈ-a.

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maˬ toe. Ngaˇ aˬ suˇ gʼaˬ nga lehˇ ehˇ nmˇ.” Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.