Popular Bible Verses from Luˇkaꞈ 13

Share

“Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

Tseˇ yehꞈ kʼoꞈ byah ni nehꞈ uˇ-awˇ naˇ luꞈ-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ daˇ tsuiꞈ kʼoꞈ-iˇ-awˇ, maˬ mˇ dawˇ nya ni pyeuꞈ-iˇ-euˬ meh. Yeˬsuˇ aˬ yawꞈ-ahˇ ya mawˇ ngeh, kuˇ-awˇ, “Zaˬ miˬ zaˬ-oˇ, nawˬ-euˬ naˇ gawˇ-ahˇ nawˇ buˬ-iˇ-euˬ meh” lehˇ ehˇ nehˬ-euˬ meh.

Zaˬ miˬ zaˬ kʼoeˇ gʼaˬ kʼoeˇ taˆ aˬ yawꞈ aˬ laꞈ cawˬ daˆ nehˬ ngeh, tiˬ poˆ tehꞈ-ehˇ daˇ tsuiꞈ paˇ dawˇ kʼoꞈ laˇ-awˇ, zaˬ miˬ zaˬ kʼoeˇ gʼaˬ Miˬyehˇ-ahˇ ja ceuˬ-euˬ meh.

Kʼoeˇ ngeh jawˇ, nymˬ-mˇ aˬ cawˬ mehˬ nah jawˇ luꞈ-eu tsawˇ haˬ tiˬ paˆ na deuˬ aˬ cawˬ mehˬ hu ya jawˇ-awˇ, nymˬ-mˇ aˬ cawˬ mehˬ hu jawˇ luꞈ-eu tsawˇ haˬ tiˬ paˆ na deuˬ aˬ cawˬ mehˬ nah ya jawˇ tehꞈ-a.”

Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

Kʼoeˇ loꞈ-ehˇ maˬ ngeuˇ-a lehˇ, naw maꞈ-ahˇ ngaˇ ehˇ-eu ma. Naw maꞈ kʼawꞈ, iˬ baˇ maˬ noeˬ poˆ naˇ, kʼoeˇ loꞈ-ehˇ ya shiˇ tehꞈ-a.”

Ehˇ kʼawꞈ, aˬ yawꞈ naw maꞈ-ahˇ, ‘Naw maꞈ aˬ gaˇ jawˇ-eu laˇ-euˬ maˬ siˬ lehˇ ngaˇ ehˇ gʼaˬ-euˬ maˬ ngeuˇ-a loˇ. Yaw haiˬ jeˬ mˇ-eu tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˬ’ lehˇ ehˇ tehꞈ-a.

Yeˬsuˇ ehˇ-eu, “Miˬyehˇ Miˇkʼahˬ aˬ jeˬ-ahˇ duˇ ta. Aˬ jeˬ-ahˇ shaˇ cehˆ haw paˬ nga. Kʼoeˇ-aˬ, tsawˇ haˬ tiˬ gʼaˬ neh yawˬ ha-euˬ yaˇ kmˇ-ahˇ sehˬ-euˬ gʼawˬ paꞈ aˇ nuiˆ -ahˇ duˇ-eu meh. Gʼawˬ paꞈ aˇ nuiˆ kʼoeˇ dehꞈ laˇ-awˇ aˇ bawˬ bawˬ ma ma laˇ ngeh, kʼoeˇ taˆ zaw-eu aˇ jiˇ deuˬ uˬ laꞈ-ahˇ bahˬ bahˬ le-eu meh.”