Popular Bible Verses from 2 Beˬtuˆluˆ 1

Share

Aˬ yawꞈ-euˬ yaw shehꞈ kʼahˬ sehˇ hawˇ-eu muiˬ dui byah dui dui-eu jeˬ-ahˇ aˬ dui za nya ni, aˬ dui-ahˇ kuˇ-euˬ gʼaˬ-ahˇ aˬ dui siˬ nya-eu laꞈ kʼoeˇ, Miˬyehˇ-ahˇ yaw zeu baw-awˇ dehꞈ nya-eu gʼaˇ duˬ, aˬ dui kʼaˇ loˬ-eu jeˬ dawˬ tawˆ luꞈ Miˬyehˇ-euˬ muiˬ-eu shawˇ-eu baoˬ aˬ dui-ahˇ biꞈ laꞈ-euˬ meh. Kʼoeˇ loꞈ-ehˇ mˇ nehˬ laꞈ-eu laꞈ kʼoeˇ, aˬ yawꞈ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ huiˬ dui poeˬ dui dui-eu laꞈ sawˬ aˬ dui-ahˇ biꞈ laꞈ-euˬ meh. Laꞈ sawˬ kʼoeˇ deuˬ-aˬ, miˇ tsaˬ heu kʼoeˇ taˆ jaˆ-eu shiˬ shaˬ jiˇ nui kʼahˇ baˬ da neh luˬ-iˇ seˇ-iˇ-eu jeˬ-ahˇ naw maꞈ buˬ-iˇ law-iˇ-awˇ, Miˬyehˇ-euˬ yaw dehꞈ dehꞈ-eu jeˬ-ahˇ naw maꞈ bi za-eu gʼaˇ duˬ biꞈ laˬ-euˬ laꞈ sawˬ pyeuꞈ-eu meh.

Kʼoeˇ miˇ neh, naw maꞈ leh jeh dui dui-eu laꞈ kʼoeˇ, jah-eu jeˬ kʼoeˇ taˆ muiˬ-eu jaˬ-euˬ jeˬ bi lahˬ laˇ-awˬ. Muiˬ-eu jaˬ-eu jeˬ kʼoeˇ taˆ zaˬ siˬ tsawˇ gahˇ bi lahˬ laˇ-awˬ. Zaˬ siˬ tsawˇ gahˇ kʼoeˇ taˆ yawˬ ha-euˬ nui ma-ahˇ gʼaˬ leˇ-eu jeˬ bi lahˬ laˇ-awˬ. Yawˬ ha-euˬ nui ma-ahˇ gʼaˬ leˇ-eu jeˬ kʼoeˇ taˆ daˬ coeˇ oˇ coeˇ-eu jeˬ bi lahˬ laˇ-awˬ. Daˬ coeˇ oˇ coeˇ-eu jeˬ kʼoeˇ taˆ Miˬyehˇ-ahˇ yaw zeu baw-eu jeˬ bi lahˬ laˇ-awˬ. Miˬyehˇ-ahˇ yaw zeu baw-eu jeˬ kʼoe taˆ Ka li zaˬ cawˬ cawˬ gaˬ-eu jeˬ bi lahˬ laˇ-awˬ. Ka li za cawˬ cawˬ gaˬ-euˬ jeˬ kʼoeˇ taˆ gʼoeˇ-eu gaˬ-eu jeˬ bi lahˬ laˇ-awˬ.

Heu deuˬ-aˬ, naw maꞈ loˬ dui dui-eu jeˬ pyeuꞈ-eu meh. Naw maꞈ heu deuˬ tiˬ byah tiˬ loꞈ ahˇ naˇ, gaˇ dahˇ tsoeˬ-eu tsawˇ haˬ pyeuꞈ laˇ-awˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ siˬ nya-eu jeˬ byah dzehˬ laˇ tehꞈ-a.

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.