Popular Bible Verses from SAKARIA 4

Share

Om sunudai oku no di moloikat do poboros dot id di Sorubabil diti boros do mantad id TUHAN do poingkaa, “Kamanang ko i' nga' okon i' ko' i kokoriso' do soudor, ko' i kokoriso' nu o papamanang, suwai ko' i Rusod ku.

Oluhoi no daa o ginawo diyolo' tu' a' i' kosongkuro o koburuon di wonsoyon diyolo'. Nga' okito indo diyolo' i Sorubabil do tumuntun do maal di Walai'd Sasambayangan dot Agayo, om ongotood nondo iyolo',” ka dau. Om boros ka di moloikat dot id doho', “Ilo' nopo turu' o lampung nga' poiyaan di turu' o mato do TUHAN, i miontong do pointongkop diti pomogunan,” ka dau.

Boros ka dau, “Nokowonsoi nod i Sorubabil i watu do poimpahan di Walai'd Sasambayangan dot Agayo om opongo indo dau i Walai'd Sasambayangan dot Agayo'ddi. Om abayaan nopondo iti om koilo nogindo kopio i tulun ku dot iyoho' o minonuhu' diya' dot id diyolo'.