Popular Bible Verses from LUKAS 16

Share

Tu' iri nopo tulun di milo do ponongkuyaanan do mongilo-ilo di hal dit ongokooro', om milo nori do ponongkuyaanan do mongilo-ilo di hal dit angagayo. Nga' iri nopo tulun dit a' milo do ponongkuyaanan do mongilo-ilo di hal dit ongokooro', om a' kopio iyau milo do ponongkuyaanan do mongilo-ilo di hal dit angagayo.

Aiso' i' o tongosongulun piya do milo'd sumiliu'd turipon do duwo o Tuan, tu' poinggayo nondo doti' o kosianan dau di tiso' ko' mantad di koduwo, ko' otorodok doti' iyau dot id tuan dau di tiso' ko' mantad di koduwo. Om iyo kou nogiddi, tu' a' kou i' milo do sumiliu'd turipon do Kinorohingan om turipon pondo do kakayaan,” ka di Yesus.

Iyo nopoddi om ondung a' kou milo do ponongkuyaanan do mongilo-ilo diti kakayaan do hiti'd pomogunan, om isai nogiddi ot orohian do monuhu' dokoyu do mongilo-ilo di kakayaan do don rusod? Om ondung kointalang dot a' kou milo do ponongkuyaanan do mongilo-ilo di dombokon do songonuon, om isai po daa ot orohian do manahak dokoyu dit apatut daa dokoyu'd asanganu?

Nga' boros ka di Abraham do suminimbar, ‘Ondung a' iyolo' mamadul di ponuhuan di Musa om i piro-piro o nabi, om atantu' no dot a' i' iyolo' otumbayaan do haro piya o tulun di napatai dot oposian kawagu,’ ka dau,” ka di Yesus.

Om isai-isai o kusai do magada' do sawo dau om kumawin no kawagu do tondu'd suwai, om magampahu' no iyau'ddi. Om i nogi' tulun di mangawin di tondu' di naadaan do sawo, nga' magampahu' nogi',” ka dau.