Popular Bible Verses from GALATIA 5

Share

Nga' ondung porintaon o tulun di Rusod do Kinorohingan, om: Mogiinsian-sian iyolo', om ongotood, om mogiuulud, om alanut o ginawo, om osonong o kowoyo-woyoon, om osonong dot id tulun do suwai, om otorodok, om osiriba' o ginawo, om kopusus kasai' do korohian do tinan. Aiso' i' o toturan do tugama' do mogodu do momonsoi do miagal diri.

Komoyon ku nopo om poingkaa: Tanud kou no di korohian di Rusod do Kinorohingan om kada' kou tanud di korohian do don tulun dot id suang do koposi-posion dokoyu.

Noonuan toko' no di Rusod do Kinorohingan do koposion di wagu; om kaa pogi'ddi dot iyau no ot apatut do momorinta' do koposi-posion toko'.

Iri nopo tulun di nasanganu di Kristus Yesus, om napatai no diyolo' i kowoyo-woyoo' do don tulun om i korohian do don tinan om i korohian do don tulun.

Iri nopo korohian do don tulun om kointalang i' dot id suang do wowonsoyon diti: magampahu', om momonsoi di sosomu', om it a' apatut; om tumuku' dot id tingolig om id toilaan do bobolian; om id pogisasangadan, om id pogitatagadan, om id kobimbioguho', om id kobintogodo', om i momusorou do dau nod korohian; om i mogipori-pori om aiso' o kouludan, om i mogiosol-osol, om i magauk, om it adalaan o pogiginakan om suwai- suwai ko' iri. Om poinsanon ku po kawagu iyokoyu do dinondo, do miagal di pinopoinsan oku dokoyu di gulu po, dot iri nopo tulun di momonsoi do miagal diri om a' no kasanganu di Pomorintaan do Kinorohingan.

Nolohou kou no do sumiliu'd tulun dit okon ko' uriponon. Nga' kada' i' dokoyu pakayo' i kosimbayano' dokoyu dot okon ko' turipon do tumilombus do momonsoi do nunu nopo i korohian dokoyu'd momonsoi, suwai ko' apatut nogi' do mogiinsian-sian kou, om mogiuhup-uhup kou.

Tu' korohian nopod tulun om misaap i' di korohian do Rusod do Kinorohingan, om iri korohian do Rusod do Kinorohingan nga' misaap i' di korohian do don tulun. Misaap i' iti duwo o korohian, om kaa pogi' dot a' kou milo do momonsoi di dokoyu'd korohian.

Nokotimung ngai' no i Tourat dot id suang do ponuhuan diti tiso' noodti, “Mogiinsian-sian kou no do miagal dot osianan kou do dokoyu'd tinan,” ka.

A' toko' i' koino-ino do minggayo-gayo, om mogikoruo-ruol do ginawo, ko' mogiosol-osol.

Nakalabus toko' noddi do baino', om okon toko' no ko' turipon, tu' pinalabus toko' di Kristus! Iyo nopoddi, om gompion no dokoyu i kinolobusan dokoyu do mantad id ponguripanan, om kada' kou siliu kawagu do turipon.