Popular Bible Verses from یوحنا 15

Share

‏«‏مِن اوزوم باغیدیرین، سیز شاخالاریسینگیز.‏ کیم مِنده و مِن هِم اُندا یاشاسام، اُل بُل میوه بِرِر.‏ سیز مِندِن آیری هیچ زات اِدیپ بیلمِرسینگیز.‏

مِنده یاشانگ، مِن هِم سیزده یاشایین.‏ اوزوم باغیندان آیریلان شاخا اُز-اُزوندِن میوه بِریپ بیلمِیشی یالی، مِندِن آیریلسانگیز، سیز هِم میوه بِریپ بیلمِرسینگیز.‏

مِنده مِسکِن توتوپ، سُزلِریمی یورِگینگیزده ساقلاسانگیز، نَمه دیلِسِنگیز، سیزه بِریلِر.‏

سیز مِنی دَل-ده، مِن سیزی سایلادیم.‏ مِن سیزینگ گیدیپ، هیچ سُلمایان میوه بِرمِگینگیز اوچین سایلاپ-سِچدیم.‏ شُنگا گُرَه مِنینگ آدیم بیلِن آتادان نَمه دیلِسِنگیز، اُل سیزه بِرِر.‏

کیم جانینی دُستلاری اوچین فِدا اِتسه، موندان بِییک سُیگی یُقدور.‏

اُل مِنینگ میوه بِرمِیَن هِر بیر شاخامی کِسیپ زینگیار، میوه بِریَنینی بُلسا کَن میوه بِرِر یالی اُل اُنی پَکلِیَر.‏

‏«‏مِنینگ حُکومیم شودور:‏ مِن سیزی نَهیلی سُیِن بُلسام، سیز هِم بیری-بیرینگیزی شُنونگ یالی سُیونگ.‏

سیز کَن میوه بِریپ، مِنینگ شَگیرتلِریمدیگینگیزی گُرکِزِرسینگیز.‏ مونونگ اوستو بیلِن آتام بِییکلِنِر.‏

‏«‏مِن حاقیقی اوزوم باغیدیرین و آتام باغباندیر.‏

کیم مِنده یاشاماسا، کِسیلِن شاخا کیمین زینگیلیپ، قورار.‏ قوران شاخالاری بُلسا ییغناپ، اُدا یاقارلار.‏

مِن بو زاتلاری سیزه شاتلیغیما شِریک بُلوپ، شاتلیغینگیزینگ دُلوپ-آقماغی اوچین آیتدیم.‏

مِن آتامینگ حُکوملِرینی بِرجای اِدیپ، اُنونگ سُیگوسینه وِفالی بُلشوم یالی، سیز هِم حُکوملِریمی بِرجای اِتسِنگیز، مِنینگ سُیگیمه وِفالی بُلارسینگیز.‏

مِنینگ سیزه حُکومیم شودور:‏ بیری-بیرینگیزی سُیونگ.‏

دونیَه‌دِن بُلان بُلسادینگیز، دونیَه سیزی اُزونینگکیلِر کیمین سُیِردی.‏ اِمّا سیز بو دونیَه دِگیشلی دَلسینگیز.‏ مِن سیزی بو دونیَه‌دِن سایلاپ آلدیم.‏ اینه، شُنونگ اوچین هِم، دونیَه سیزی ییگرِنیَر.‏