Popular Bible Verses from སྡེབ་ཐོན 2

Share

དཀོན་མཆོག་གིས་དེ་གསན་ནས། ཉིད་ཀྱི་ཨབ་ར་ཧམ་དང་། ཨི་སཱག་དང་། ཡ་ཀོབ་ལ་གནང་བའི་དམ་བཅའ་དེ་དྲན་གསོས་གནང་ཏེ། དཀོན་མཆོག་གིས་ཨིསི་རཱཨེལ་པ་རྣམས་ལ་ཐུགས་རྗེ་གཟིགས་ཤིང། དེ་ཚོའི་གནས་སྟངས་ཚང་མར་ཁོང་གིས་དོ་སྣང་གནང་ངོ་༎

དུས་ཡུན་རིང་པོའི་རྗེས་སུ་ཨི་ཇིབ་གྱི་རྒྱལ་པོ་དེ་ཤི་ཤིང་། ཨིསི་རཱཨེལ་པ་རྣམས་བྲན་ཁོལ་གྱི་མནར་གཅོད་དྲག་པོའི་རྐྱེན་གྱིས་སྐྱབས་རོགས་ཀྱི་ཆེད་དུ་ཤུགས་ནན་ཆེན་པོས་ངུ་འབོད་བཏོན་པ་དེ་དཀོན་མཆོག་གི་མདུན་དུ་བསླེབས་སོ།

ཕྲུ་གུ་ཡར་འཚར་བ་དང་མོས་སྲས་མོའི་རྩར་ཁོ་འཁྲིད་ཡོང་ནས་ཕྲུ་གུ་དེ་མོའི་བུ་རུ་འགྱུར་ཏོ། དེ་ནས་སྲས་མོས་ཕྲུ་གུ་དེ་ཆུ་ནས་བཏོན་པ་ཡིན་པས་ཁོའི་མིང་ལ་མོ་ཤེ་ཞེས་བཏགས་སོ༎

སྲས་མོས་དེ་ལ། ངའི་དོན་དུ་ཕྲུ་གུ་འདི་ལ་འོ་མ་འཐུང་བཅུག་ཅིག་དང་། ངས་ཁྱོད་ལ་གླ་ཆ་སྤྲད་ཡོང་ཞེས་གསུངས་པས། མོས་ཕྲུ་གུ་བླངས་ཏེ་འཚོ་སྐྱོང་བྱས་སོ།

རྒྱལ་པོའི་སྲས་མོ་ཁྲུས་བྱེད་པར་གཙང་པོའི་འགྲམ་དུ་ཡོང་བ་དང་། ཁོང་གི་ཞལ་ཏ་མ་རྣམས་གཙང་པོའི་འགྲམ་དུ་ཕར་ཚུར་འགྲུལ་བའི་སྐབས་སུ། སྲས་མོས་འདམ་རྩའི་གསེབ་ལ་ཡོད་པའི་ཙེལ་པོ་དེ་མཐོང་ནས་ཞལ་ཏ་མ་ཞིག་དེ་ལེན་དུ་བཏང་ངོ་།

དེ་ནས་མོ་ཤེ་ལོ་ན་ལོན་པ་དང་། རང་རིགས་སྤུན་ཟླ་རྣམས་ཀྱི་རྩར་ཕྱིན་པས། དེ་ཚོའི་དཀའ་ངལ་རྣམས་མཐོང་ནས། ཨི་ཇིབ་པ་ཞིག་གིས་རང་རིགས་སྤུན་ཟླ་ཨིབ་རི་པ་ཞིག་ལ་ཉེས་བརྡུང་བཏང་བཞིན་པ་མཐོང་ངོ་། མོ་ཤེས་ཕར་ཚུར་བལྟས་ནས་མི་སུ་ཡང་མ་མཐོང་བས། ཁོས་ཨི་ཇིབ་པ་དེ་བསད་ནས་བྱེ་མའི་ནང་སྦས་སོ།