Popular Bible Verses from प्रकाश 9

Share

यी महामारीबाट बाँच्‍नेहरूले आफैंले बनाएका कुरादेखि मन फर्काएनन्। तिनीहरूले भूतात्‍माहरूलाई र सुन, चाँदी, पित्तल, ढुङ्गा र काठका मूर्ति जसले देख्‍न, सुन्‍न र चल्‍न सक्‍दैनन्, तिनीहरूलाई पुज्‍न छोडेनन्। उनीहरूको हत्‍या गर्ने, टुनामुना गर्ने, व्‍यभिचार गर्ने, चोरी गर्ने कामहरूबाट मन फर्काएनन्।

त्‍यो धुवाँबाट सलहहरू पृथ्‍वीमा आए र तिनीहरूलाई बिच्‍छीको जस्‍तो डस्‍ने शक्ति दिइएको थियो। झारपात वा रूखलाई केही हानि नगर्न तर निधारमा परमेश्‍वरको मोहर नलागेका मानिसहरूलाई मात्र सताउन तिनीहरूलाई भनिएको थियो।

यसपछि पाँचौँ स्‍वर्गदूतले आफ्‍नो तुरही फुके र मैले आकाशबाट एउटा तारा पृथ्‍वीमा खसेको देखें। त्‍यस तारालाई गहिरो भड्खालाको साँचो दिइयो।

ती मानिसहरूलाई मारिहाल्‍नचाहिँ होइन तर पाँच महिनासम्‍म सताउन सलहहरूले अधिकार पाए। त्‍यसरी सताउँदा ती मानिसहरूलाई बिच्‍छीले डस्‍दा जस्‍तो पीडा हुन्‍थ्‍यो।

गहिरो भड्खालाको दूतले तिनीहरूमाथि राज्य गर्दछ। हिब्रू भाषामा त्‍यसको नाउँ ‘एबाड्डोन’ र ग्रीक भाषामा त्‍यसको नाउँ ‘अपोल्‍लियोन’ हो। यसको अर्थ हो, ‘नाश गर्ने।’