Popular Bible Verses from भजनसंग्रह 18

Share

परमप्रभु मेरो रक्षक हुनुहुन्‍छ; उहाँ मेरो बलियो किल्‍ला हुनुहुन्‍छ। मेरा परमेश्‍वर मेरो रक्षक हुनुहुन्‍छ, उहाँको साथमा म सुरक्षित हुन्‍छु। ढालझैँ उहाँले मलाई रक्षा गर्नुहुन्‍छ, उहाँले मेरो रक्षा गरेर मलाई कुशल राख्‍नुहुन्‍छ।

परमेश्‍वरका यी काम कति सिद्ध छन्! उहाँका वचन कस्‍ता भर पर्न सकिने छन्! उहाँका रक्षा खोज्‍नेहरूका निम्‍ति उहाँ ढालझैँ हुनुहुन्‍छ।

म परमप्रभुलाई पुकार्दछु र उहाँले मलाई मेरा शत्रुहरूदेखि बचाउनुहुन्‍छ। परमप्रभुको प्रशंसा गर!

विपत्तिमा मैले परमप्रभुलाई पुकारें, मैले मेरा परमेश्‍वरलाई सहायताको निम्‍ति बोलाएँ। आफ्‍नो मन्‍दिरमा उहाँले मेरो सोर सुन्‍नुभयो, मेरो सहायताको पुकार उहाँले सुन्‍नुभयो।

हे परमप्रभु! तपाईंले मलाई ज्‍योति दिनुहुन्‍छ, तपाईंले मेरो अन्‍धकारलाई हटाइदिनुहुन्‍छ।

उहाँ मलाई बलियो बनाउनुहुने र मेरो बाटो कुशल गराउनुहुने परमेश्‍वर हुनुहुन्‍छ।

परमप्रभु जीवित हुनुहुन्‍छ! मेरा रक्षकको प्रशंसा गर! मलाई बचाउनुहुने परमेश्‍वरको महान्‌ताको बारेमा सबैलाई भन।