Popular Bible Verses from यशैया 1

Share

परमप्रभु भन्‍नुहुन्‍छ, “आओ, हामी सबै कुरा छलफल गरौं। पापले तिमीहरूमा रातो दाग लागे तापनि म तिमीहरूलाई धोई हिउँजस्‍तै सेतो पार्नेछु। तिमीहरूका पापको दाग गाढा रातो रङ्गको भए तापनि तिमीहरू ऊनजस्‍तै सेता हुनेछौ।

तिमीहरू मेरा आज्ञापालन गर्न इच्‍छुक भयौ भने तिमीहरूले देशका असल-असल उब्‍जाउहरू खान पाउनेछौ।

र ठीक काम गर्न सिक। सबैको निसाफ गर, अत्‍याचारमा परेकाहरूलाई सहायता गर, टुहुरा-टुहुरीहरूको हकको खोजी गरिदेऊ, रक्षा गरिदेऊ र विधवाको पक्षमा बोल।”

तर तिमीहरूले अटेरी र मेरो विरोध गर्‍यौ भने त तिमीहरू तरवारले मारिनेछौ। म परमप्रभु यो कुरा भन्‍दछु।”

आफैंलाई धोएर चोखो पार। जुन दुष्‍कर्म तिमीहरूले गरेको म देख्‍दछु, ती बन्‍द गर। हो, दुष्‍कर्म छोड

“तिमीहरूले प्रार्थनामा हात उचाल्‍दा म आफ्‍नो मुख अर्कोतिर फर्काउनेछु। तिमीहरूले जति धेरै प्रार्थना गरे पनि म ती सुन्‍नेछैनँ किनभने तिमीहरूका हातमा हत्‍या गरेका रगत लागेको छ।

तिमीहरूका भेटीहरू ल्‍याउनु व्‍यर्थ छ। तिमीहरूले बालेका धूपसित म विरक्त भइसकें। तिमीहरूका औंसीका चाड, विश्रामको दिन पालन र धार्मिक सभाहरू मैले सहन नसक्‍ने भएका छन्। तिमीहरूका पापले गर्दा ती भ्रष्‍ट भएका छन्।

गोरुले आफ्‍नो मालिक चिन्‍दछ र गधाले आफ्‍नो मालिकले खुवाउने डुँड चिन्‍दछ। यी पशुहरूको ज्ञान र मेरा प्रजा इस्राएलीहरूको भन्दा बढी छ। मेरा प्रजाले केही बुझ्‍दैनन्।”

म तिम्रा औंसी र अरू पवित्र चाडका दिनहरूलाई घृणा गर्दछु। ती मैले बोक्‍न नसक्‍ने भार भएका छन्।