Popular Bible Verses from इजकिएल 4

Share

“त्‍यसपछि बायाँपट्टि कोल्‍टे परेर सुत् र म तँमाथि सबै इस्राएल जातिको दोष बोकाइदिनेछु। त्‍यसरी ३९० दिनसम्‍म तँ लडिरहनेछस् र तिनीहरूको अपराधको दण्‍ड भोग्‍नेछस्। तिनीहरूले पाउने दण्‍डको प्रत्‍येक वर्षको निम्‍ति एक दिनको हिसाबले मैले तँलाई दण्‍ड दिएको छु।

ती दण्‍डका दिनहरू पूरा भइसकेपछि दायाँपट्टि कोल्‍टे परेर सुत् र यहूदाको अपराधको निम्‍ति चालीस दिनसम्‍म दण्‍ड भोग्। यसपाली पनि प्रत्‍येक वर्षको निम्‍ति एक दिन गरेर दण्‍ड भोग्‍नुपर्नेछ।

“अब केही गहुँ, जौ, सिमी, केराउ, कोदो र फापर एक साथ मिसाएर एउटा भाँडामा राख् र त्‍यसबाट तेरो लागि रोटी बना। जब ३९० दिनसम्‍म बायाँपट्टि कोल्‍टे परेर तँ लडिरहनेछस्, तब त्‍यो रोटी तैँले खानुपर्नेछ।