Popular Bible Verses from एफिसी 5

Share

तिमीहरू परमेश्‍वरका प्‍यारा सन्‍तान भएकोले उहाँजस्‍तै हुन खोज। ख्रीष्‍टले हामीलाई प्रेम गर्नुभएर मीठो बास्‍ना आउने धूप र बलिझैँ आफैंलाई परमेश्‍वरकहाँ चढाउनुभयो। त्‍यसै गरी तिमीहरूको जीवन पनि प्रेमको अधीनमा होस्।

त्‍यसकारण कस्‍तो चालचलन चल्‍नुपर्ने हो, राम्ररी ध्‍यान देओ, मूर्खजस्‍तो भएर होइन, बुद्धिमान् भएर हिंड। यी नराम्रा दिनहरूमा तिमीले पाएका सबै मौकाहरूको असल प्रयोग गर।

मद्यको नशामा बाँचेर जीवन नष्‍ट नगर तर पवित्र आत्‍माले भरिपूर होओ। एक-अर्कासँग स्‍तुति, भजन र पवित्र आत्‍माले दिएका गीत गाउने गर र प्रभुलाई आफ्‍नो हृदयका मीठा गीतहरूले स्‍तुति गर। हाम्रा प्रभु येशू ख्रीष्‍टको नाउँमा परमेश्‍वर पितालाई सबै कुरामा सधैँ धन्‍यवाद दिने गर।

त्‍यसकारण मूर्ख नबन तर प्रभुले तिमीबाट के आशा राख्‍नुहुन्‍छ, सो पत्तो लगाओ।

लोग्‍नेहरू हो, ख्रीष्‍टले आफ्‍नो मण्डलीलाई ज्‍यान दिएर प्रेम गरेझैँ आ-आफ्‍ना स्‍वास्‍नीलाई प्रेम गर।

पहिले तिमीहरू नै अन्‍धकारमा थियौ तर अब प्रभुका जन बनेर तिमीहरू उज्‍यालोमा छौ। यसकारण तिमीहरू उज्‍यालोको योग्‍य मानिसजस्‍तै जिउने गर

ख्रीष्‍टप्रतिको श्रद्धाको कारणले एक-अर्काको अधीनमा रहने गर।

स्‍वास्‍नीहरू हो, प्रभुका अधीनमा भएझैँ तिमीहरू आ-आफ्‍ना लोग्‍नेका अधीनमा बस

तर यो तिमीहरूमा पनि लागु हुन्‍छ। त्‍यसो हुँदा सबै लोग्‍नेहरूले आ-आफ्‍ना स्‍वास्‍नीलाई आफैंलाई झैँ माया गर्नुपर्छ अनि सबै स्‍वास्‍नीहरूले आ-आफ्‍ना लोग्‍नेलाई आदर गर्नुपर्छ।

धर्मशास्‍त्रले भन्‍दछ, “यसैकारण मानिसले आफ्‍ना आमा-बुबालाई छोड्‍नेछ र स्‍वास्‍नीसँग मिल्‍नेछ अनि उनीहरू दुवै एउटै शरीर हुनेछन्।”

अन्‍धकारका बेकामे कुराहरूसँग तिमीहरूको कुनै सरोकारै नहोस्। तर त्‍यो काम नराम्रो हो भनेर देखाइदेओ।