Popular Bible Verses from १ पत्रुस 4

Share

सबैभन्दा ठूलो कुराचाहिँ एक-अर्कालाई गहिरो प्रेम गर किनभने प्रेमले पापको राशलाई पुर्दछ।

परमेश्‍वरको अनुग्रहमा हरेकले किसिम-किसिमका वरदानको जिम्‍मा पाएका छन्। आफूले पाएको विशेष वरदान अरूको भलाइको लागि चलाओ।

बोल्‍ने वरदान पाउनेले परमेश्‍वरको वचन बोलोस्, सेवा गर्नेले परमेश्‍वरको शक्तिले सेवा गरोस्। त्‍यसरी येशू ख्रीष्‍टमा सबै कुराबाट परमेश्‍वरकै महिमा होस्। सधैँभरि उहाँकै शक्ति र महिमा होस्! आमेन।

तर ख्रीष्‍टमा विश्‍वास गरेकोले दु:ख भोग्‍नुपर्दा लाज नमान। तर ख्रीष्‍टको नाउँ लिन पाउँदा परमेश्‍वरलाई धन्‍यवाद देओ।

सबै कुराहरूको अन्‍त हुनै लागेको छ। तिमीहरूले आफैंलाई वशमा राखेर होशियार हुनुपर्छ। यसरी तिमीहरू प्रार्थना गर्न सक्‍छौ।

दु:ख-कष्‍टद्वारा तिमीहरूको जाँच भइरहेको छ तर यो कुनै नहुने कुरा भयो भनेर अचम्‍म नमान। तर ख्रीष्‍टको दु:खमा सहभागी भएका छौ भनी आनन्‍द मनाओ र उहाँको ठूलो महिमा प्रकट हुँदा तिमीहरू खुसी मनाउन सक्‍छौ।

एक-अर्कालाई आफ्‍नो घरमा खुसीसँग स्‍वागत गर।

यसकारण परमेश्‍वरको इच्‍छामा दु:ख भोग्‍नेले राम्रो काम गर्न नछोडी पूरै सृष्‍टि गर्नुहुने परमेश्‍वरमा भर पर्नुपर्दछ। उहाँले आफ्‍नो प्रतिज्ञा सधैँ पूरा गर्नुहुन्‍छ।

यसरी ख्रीष्‍टले शरीरमा दु:ख भोग्‍नुभएकोले तिमीहरू पनि उहाँको जस्‍तै विचार लिएर बलियो बन किनभने शरीरमा दु:ख भोग्‍ने नै पापबाट अलग्‍ग रहन्‍छ। अबदेखि यस शरीरमा बाँचुञ्‍जेल मान्‍छेले गर्ने चाहनामा होइन, तर परमेश्‍वरको इच्‍छामा जीवन बिताओ।

ख्रीष्‍टमा विश्‍वास गर्दा तिमीहरूको बेइज्‍जती हुन्‍छ भने आफैंलाई धन्‍यको सम्‍झ किनभने परमेश्‍वरका महिमित आत्‍मा तिमीहरूमा वास गर्नुभएको छ।