Popular Bible Verses from १ कोरिन्थी 1

Share

तर परमेश्‍वरले ज्ञानीलाई लाजमा पार्न संसारमा मूर्ख ठहरिएकाहरूलाई छान्‍नुभयो अनि बलियाहरूलाई लाजमा पार्न संसारका कमजोर ठहरिएकाहरूलाई चुन्‍नुभयो।

क्रूसमा भएको ख्रीष्‍टको बलिदानको प्रचार नाश हुनेहरूका लागि मूर्खको कुरो हो, तर हामी बचाइएकाहरूका लागि परमेश्‍वरको शक्ति हो।

किनभने परमेश्‍वरको मूर्ख कुरा मानिसको ज्ञानभन्दा पनि ठूलो छ र परमेश्‍वरको कमजोरी मानिसको शक्तिभन्दा शक्तिशाली छ।

परमेश्‍वर भरपर्दो हुनुहुन्‍छ। उहाँले नै आफ्‍ना पुत्र हाम्रा प्रभु येशू ख्रीष्‍टसँग रहन तिमीहरूलाई बोलाउनुभयो।

प्रभु येशू ख्रीष्‍टको नाउँमा म तिमीहरूलाई बिन्‍ती गर्दछु, तिमीहरू एक होओ, तिमीहरूका बीचमा फाटो नहोस् र एकै मनको र एउटै उद्देश्‍यमा लाग्‍ने होओ

खै, ज्ञानी कहाँ छ? खै, व्यवस्थाका पण्‍डित? यस युगको तर्कशास्‍त्री खै? के परमेश्‍वरले संसारको ज्ञानलाई बेकम्‍मा बनाउनुभएन?