Popular Bible Verses from Pilipi 1

Share

Lalu aku nemu, Allah Taala ke udah ngepunka pengawa ti badas tu ba kita, deka nembuka pengawa nya lebuh Hari Jesus Kristus.

Tu sampi aku ke kita: minta pengerindu kita majak nambah-menambah, sama enggau penemu enggau penalam perening kita, ngambika kita nemu milih utai ti pemadu badas, lalu nyadi tuchi sereta nadai bepenyalah lebuh Hari Kristus

Laban ba aku, enti aku idup, aku idup ke Kristus, lalu enti aku mati, aku untung.

Aku meri terima kasih ngagai Allah Taala aku ke kita genap kali aku ingatka kita.

Utai ti lebih beguna nya, kita enda tau enda idup nitihka ajar ti dibai Berita Manah Kristus, ngambika, nemuka aku bisi enggau kita, tauka nadai enggau kita, aku ulih ninga kita sama seati, sama sepenemu, begandin bau bebendar bekereja ke pengarap ti dibai Berita Manah

Aku endang ngarap sereta ngadang diri enda malu, tang bejaku enggau naka pemerani, ngambika Kristus seruran dimuliaka dalam tubuh aku baka selama, nemuka ngena pengidup tauka ngena pemati aku.

Laban ulih pengasih Iya, Iya udah meri kita hak ukai semina arapka Kristus, tang mega natka pemerinsa ketegal Iya