Popular Bible Verses from Mark 16

Share

Lalu ku Iya bejaku ngagai sida, “Bejalai kita ngagai serata dunya, lalu tusui Berita Manah ngagai semua mensia.

Lalu tu tanda ti deka nyempulang orang ke arap: sida deka muru antu dalam nama Aku; sida deka bejaku ngena jaku ti nyelai. Enti sida tepegaika ular, tauka teirupka rachun, utai nya enda ngemediska sida; sida deka ngengkahka jari sida ba orang ke sakit, lalu orang nya deka gerai.”

Orang ke arap lalu dibaptisa, deka diselamatka, tang orang ke enda arap deka diukum.

Sida murid bejalai lalu nusui Berita Manah di semua endur, lalu Tuhan bekereja enggau sida lalu netapka pengamat pesan Iya ngena kereja ajih ti nyempulang pesan nya. [

Tang ku iya bejaku ngagai sida, “Anang takut. Kita ngiga Jesus orang Nasaret, ke udah diregang. Iya udah diangkatka idup baru. Iya nadai ditu. Peda kita endur alai sida udah ngalika Iya.

Lebuh sida malik, sida meda batu nya endang udah dibaringka ari mua kubur nya. Batu nya besai amat. Lebuh sida tama ngagai kubur, sida meda siku orang bujang ke ngena baju panjai ti burak, duduk muak ari kanan. Sida lalu takut.