Popular Bible Verses from Josua 1

Share

Kingatka jaku Aku ti ngasuh nuan kering sereta berani: anang takut tauka lemi semengat, laban Aku, TUHAN Allah Taala nuan bisi enggau nuan di sebarang endur nuan bejalai.”

Anang ngetu macha Bup Adat tu; belematika iya siang malam, ngambika nuan ngereja semua utai ti ditulis dalam Bup tu. Nya baru nuan deka nyadi kaya-raja sereta mujur di sebarang endur nuan bejalai.

Tang anang enda kering sereta berani, lalu ngasika semua Adat ti diberi nembiak Aku Moses ngagai nuan; anang limpang ari Adat nya, ngambika nuan mujur di sebarang endur nuan bejalai.

Josua, nadai orang ulih ngalahka nuan sepemanjai umur nuan. Baka Aku ti udah enggau Moses, baka nya mega Aku deka enggau nuan; Aku enda ngelengkaka nuan, tauka ninggalka nuan.

Nuan enda tau enda kering sereta berani, laban nuan deka nguluka orang tu ngambi menua ti udah disemaya Aku ngagai aki ini sida.

Semua endur ti deka diindik kaki kita, endang udah diberi Aku ngagai kita, munyi ti udah disemaya Aku ngagai Moses.

“Nembiak Aku Moses udah mati. Angkat nuan enggau semua orang Israel, bejalai meraka Sungai Jordan, lalu mansang ngagai menua ti diberi Aku ngagai sida.

Udah bekau pemati Moses ke nembiak TUHAN, TUHAN lalu bejaku ngagai Josua anak Nun, penulung Moses. Ku TUHAN bejaku

Kenyau ari menua puang enggau menua Lebanon nyentuk ngagai sungai ti besai nya, iya nya Sungai Eupratis, semua menua orang Iti, nyentuk ngagai Tasik Tengah di barat, nyadika menua kita.

Barang sapa ngelaban nuan, tauka enda ngasika jaku nuan, deka dibunuh. Nuan mesti kering sereta berani.”

bejalai nengah kem nya, lalu bejaku ngagai orang mayuh, “Sediaka bekal kita, laban tiga hari da agi, kita deka bejalai meraka Sungai Jordan, mansang ngambi menua ti diberi TUHAN Allah Taala kita ngagai kita.”