Popular Bible Verses from Isaiah 11

Share

Roh TUHAN deka meri iya penemu-dalam, penemu enggau pengelandik kena merintah bala nembiak iya. Iya deka nemu peneka TUHAN, lalu deka ngemesaika TUHAN, sereta deka lantang ati nangika Iya. Iya enda ngakim beduduk ba utai ti dipeda iya, tauka ba utai ti ditusui orang ngagai iya.

Peturun Raja David nya baka kayu ti udah ditebang. Tang baka dan ti nelesak ari tuga, baka nya meh raja ke baru nya deka angkat ari peturun David.

Iya deka ngakim orang ke seranta ngena atur ti lurus, lalu nyaga hak orang ke nadai daya. Lebuh iya bejaku, orang deka diukum, lalu orang ke jai deka mati.

Iya deka merintah bala nembiak iya ngena atur ti lurus enggau ati ti rentang.

Ba Sion, Bukit Allah Taala ti kudus, nadai utai ti jai dia, lalu nadai utai ti tau ngasuh bebadi. Dunya deka penuh laban penemu TUHAN baka ai ti ngemenuhka tasik.

Ukui kampung enggau bedus deka diau begulai enggau pangan diri, lalu engkuli deka gali begulai enggau bala anak kambin. Anak sapi enggau anak singa deka begulai makai lalu bala anak mit deka ngibun sida.

Hari deka datai alai raja ti baru ari peturun Raja David, deka nyadi menira ke mayuh bengkah bansa. Sida deka begempuru ba nengeri diraja, lalu meri basa ngagai raja nya.