Popular Bible Verses from Salmow 34

Share

Yma an Arloedh ogas dhe'n re trogh aga holonn : hag ev a selow an re keudhesik aga spyrys.

My a hwilas an Arloedh, hag ev a worthybis dhymm : ha'm delivra dhiworth pup-tra a borthav own anodho.

Meur yw ankenyow an den gwiryon : mes an Arloedh a'n delirv dhiworta oll.

Gwrewgh tastya ha gweles an Arloedh dhe vos da : gwynnvys an den a hwila skovva ynno ev.

Mirewgh orto ha dewynnewgh gans joy : ena ny wra agas fasow perthi meth.

An re wiryon a arm, ha'n Arloedh a glew : ha'ga delivra dhiworth aga ankenyow oll.

El an Arloedh a gamp a-dro dhe'n re a berth own anodho : hag ev a's delirv.

Treyl dhiworth drog, ha gwra da : hwila kres, ha'y helghya.

Gwith dha daves rag drog : ha'th tiwweus rag leverel falsuri.

Yma dewlagas an Arloedh war an re wiryon : ha'y dhiwskovarn troha'ga kri.

Meurhewgh an Arloedh genev vy : hag ughelhyn ni y Hanow war-barth.