Popular Bible Verses from Noo Luke 1

Share

Son da Jee cha bee nhee erbee neu-phossible.

As dooyrt Moirrey, Cur-my-ner sharvaant y Chiarn, dy jig eh lhiam cordail rish dty ghoo. As jimmee yn ainle vo-ee.

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er-syrjey er ny skeayley harryd: shen-y-fa bee yn sluight chasherick shen ver oo son y theihll, enmyssit Mac Yee.

As bannit t’eeish ta er chredjal: son bee slane cooilleeney ny reddyn shen v’er ny hoilshaghey jee liorish y Chiarn.

As cur-my-ner, nee oo giennaghtyn, as mac y ymmyrkey, as enmyssee oo yn ennym echey Yeesey. Bee eshyn cronnal, as enmyssit Mac yn Er-syrjey; as ver y Chiarn Jee dasyn stoyl-reeoil e ayr David. As nee eh reill harrish thie Yacob gys earishyn foddey beayn, as er e reeriaght cha bee jerrey erbee.

As dooyrt yn ainle r’ee, Ny bee aggle ort, O Voirrey; son t’ou er gheddyn foayr veih Jee.