Popular Bible Verses from Genesis 28

Share

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

As cur-my-ner, hass y Chiarn erskyn, as dooyrt eh, Mish yn Chiarn, Jee Abraham dty ayr, as Jee Isaac: yn cheer t’ou dy lhie er, dhyt’s ver-yms eh, as da dty luight.

As ghooisht Jacob ass e chadley, as dooyrt eh, Shickyr ta’n Chiarn ayns yn ynnyd shoh, as cha row fys aym er.

As ren Jacob breearrey, gra, My vees Jee mârym, as my nee eh m’y reayll ’sy raad ta mee goll, as my ver eh dou arran dy ee, as coamrey dy chur moom; Myr shen dy jig-ym reesht gys thie m’ayrey ayns shee: eisht bee yn Chiarn yn Jee aym’s. As bee yn chlagh shoh, ta mee er hoiaghey son pillar, thie Yee: as jeh ooilley ny ver oo dou, son shickyrys, ver-yms dhyt’s y jaghee.

As bee dty luight myr joan ny hooirey, as nee oo skeayley dy lhean gys y sheear as gys y shiar, gys y twoaie as gys yn jiass, as aynyd’s as ayns dty luight, bee ooilley kynneeyn y theihll er nyn mannaghey.

As denmys eh yn ynnyd shen Beth-el: agh va’n ard-valley shen enmyssit Luz ec y toshiaght.