Popular Bible Verses from San Marcos 14

Share

Aꞌyaa pu tyáꞌhuoocaꞌaj ɨ Dios jimi tɨjɨn: —Dios ɨ paj nyavástaraꞌ puéꞌeen, néijmiꞌi pu tyíɨꞌrij muéetzij jimi, tɨpuaꞌaj petyuꞌtáꞌan tɨꞌij quee náacɨꞌtyij aꞌíjna ɨ nyaj jɨn jajpuéetzij naꞌmej, ajta cheꞌ quee aꞌyan atyojoꞌréꞌnyinyicaꞌan jeꞌej nyej nyáaj tyáꞌxɨeꞌveꞌ, sulu patɨꞌɨj muáaj tyáꞌxɨeꞌveꞌ.

Sióocheꞌ xu atanyéjnyeꞌrij siajta huatyényuunyij ɨ Dios jimi, tɨꞌij quee tyiꞌtɨ́j jeꞌej jáꞌmuaꞌuurej. Aꞌyaa xu muaꞌaj tyáꞌxɨeꞌveꞌ siaj tyámuaꞌ huárɨnyij, ajta capu jaꞌmuacaꞌnyistiꞌ ɨ jáꞌmuahueꞌraꞌ jitze.

Aꞌyaa nu tzáahuatyiꞌraꞌaj jɨn tyajáꞌmuaꞌixaatyeꞌ tɨ joꞌtɨj naꞌaj ɨ cháanacaj japua joꞌmaj huojoꞌtéꞌexaatyeꞌej ɨ nyúucariaꞌraꞌ ɨ Dios, aꞌɨ́j mu majta huataxájta jeꞌej tɨ tyiꞌtɨ́j huáruuj aꞌɨ́jna ɨ íitɨꞌ, aꞌyaa mu mij tyoꞌtámuaꞌreerij.

Aꞌyaa puꞌij tyihuoꞌtéꞌexaaj tɨjɨn: —Jeꞌej pu puaꞌaj nuꞌasej cuxáa nyamuɨꞌnyij. Aꞌyaa xu siooj tyityáꞌcaj, sióocheꞌ xu atanyéjnyeꞌrij.

Móocheꞌ mu tyiꞌtyaꞌcueꞌsímaꞌcaj, tɨꞌɨj ɨ Jesús páan tyiꞌɨ́j, ajta tɨꞌɨj tyaatatyóotziꞌriaꞌaj ɨ Dios, aj puꞌij jaꞌantyítaaracaꞌ tɨꞌquij huoꞌrɨ́ɨpuꞌuj, aꞌyan tyihuaꞌixáatyeꞌej tɨjɨn: —Xáacuaꞌ aꞌíjcɨ, aꞌíi pu nyahueꞌraꞌ puéꞌeen.

Tɨꞌɨj taꞌij ɨ váasuj tyijáj ajta tyaatatyójtziꞌrej ɨ Dios, tɨꞌquij aꞌɨ́ɨjma huatajányij, néijmiꞌi mu jaaréꞌij ɨ váasuj jitze. Aꞌyaa pu tyihuoꞌtéꞌexaaj tɨjɨn: —Aꞌíi pu aꞌɨ́ɨn puéꞌeen ɨ nyaxúureꞌ ɨ nyaj jeꞌráxɨreꞌsij nyej nyij huoꞌtyáhuɨɨreꞌen muiꞌcaa, ajta tɨꞌij ɨ Dios jaꞌantyipuáꞌrityeꞌen ɨ tɨ jájcuaj jɨn tyaꞌtóoratziiriꞌ.

Jesús pu aꞌyan tyihuoꞌtéꞌexaaj tɨjɨn: —Néijmiꞌi xu muaꞌaj yoꞌhuáꞌxɨj siaj nye jimi tyáꞌtzaahuatyeꞌ. Aꞌyaa pu tyéꞌyuꞌsiꞌ ɨ yuꞌxarij jitze tɨjɨn: “Aꞌɨ́j nu jeꞌcatan ɨ cányaꞌxɨɨ tɨ sɨɨreꞌ, majta ɨ cányaꞌxɨɨ mamuj úrutyij.”

Xáꞌajhuiixɨꞌ, cheꞌréj, puꞌríj yajaꞌvéꞌmej ɨ tɨ nyéetzij tyuꞌtátuiireꞌej.

Jesús pu aꞌyan tyaatéꞌexaa tɨjɨn: —Aꞌyaa nu tzáahuatyiꞌraꞌaj jɨn tyíꞌmuaꞌixaatyeꞌ, ijíij tɨ́caꞌ tɨꞌɨj quee xu jíihuacaj ɨ tyacuáarɨeꞌ, huéeicaj paj naatyáhueꞌtaj aꞌyan tɨjɨn capáj nyamuaꞌtyej.