Popular Bible Verses from Ruka 3

Share

Naapo vanhu veshe vakabhabhatidzwa, naapo Jesu wakabhabhatidzwawo, achakumbira, denga rakabeurwa, noMweya Wakachena, wairingirika wakadai ngenjia, wakadzaka padera pake, neizwi rakauya rechibva mudenga rechiti, “Iwewe uri Mukororo wangu, unodikanwa, ndinonasa kudakara ndiwe.”

Johani wakapingura echiti kwavari veshe, “Inini ndinomubhabhatidza ngemvura, asi unouya uwo unondipinda ngesimba, uwo wendisikasisiri nokusunhura rusinga rwemagwada ake. Unozomubhabhatidza ndiMweya Wakachena nemwoto.

Ndizvo mwechibara michero inoonisa kutenderuka, musatanga kukarakadza mukati mwenyu kuti, tina Abrahama baba edu, ngokuti ndinoti kwomuri, Mwari unesimba kumusira vana kunaAbrahama ngaaya mapuwe.

Kunyazwi zvinopano sanho ratoiswa panzinde dzemiti; ndizvo muti weshe usikabari michero yakanaka unotemerwa pashi nokukandirwa mumwoto.”

Kudai ngezvezvakanyorwa mubhuku remazwi aIsaya muprofeti kuti, “Izwi rounodaidzira mushango kuti: Nasirirai njira yaMambo Mwari, ruramisai makwara ake. Mapani eshe anozozadzwa, nemitunhu yeshe nezvimitunhu zvinozodzaswa pashi, nezvakashongoroka zvinozoruramiswa, nenjira dzakaita marindi dzinozoserereswa; nevanhu veshe vanozoona ruponeso rwaMwari.”