Popular Bible Verses from Gen. 17

Share

Naapo Abrama aane makore makumi mapfumbamwe nemapfumbamwe (99), Mambo Mwari wakaoneka kunaAbrama, wakati kwaari, “Inini ndini Mwari Unesimbareshe; hamba pamberi pangu, uite wakaperera.

Zina rako arichazodaidzwi kuti Abrama, asi zina rako rinozozwi Abrahama; ngokuti ndakuita baba wemadzinza akawanda.

Ndinozogwinyisa chitenderano changu pakati pangu newe, nemibarirwana yako inouya sure kwako, nemibarirwana yavo kuti chiite chitenderano chemhera nariini, ndiite Mwari kwouri nokumibarirwana yako inouya sure kwako.

“Wona, chitenderano changu chinewe, newe unozoita baba wemadzinza akawanda.

Mwari wakati, “Haiwa, asi Sara mukadzi wako unozokubarira mukororo; newe unozodudza zina rake kuti Isaka. Ndinozogwinyisa chitenderano changu naye kuita chitenderano chemhera nariini kune mibarirwana yake inouya sure kwake.

Ndinozopa kwouri nokumibarirwana yako inouya sure kwako nyika iyo youri mupara kweiri, nyika yeshe yeKhenani, kuita nhaka yenyu metsa nariini; neni ndinozoita Mwari wavo.”

Naapo Abrahama wakawa pashi ngehope yake naye wakasheka, akati mumwoyo mwake, “Mwana unozobarwa here kumunhu kwaari waane makore zana (100)? Sara uwo une makore makumi mapfumbamwe (90) unozobara mwana here?”

NaMwari wakati kunaAbrahama, “Ngendaa yaSarai mukadzi wako, auchazodaidzi zina rake kuti Sarai, asi zina rake rinozozwi Sara.

Munozochekwa panyama, ganda repamberi pomuiri wenyu; chinozoita chioniso chechitenderano pakati pangu nemwi.

Asi ndinozogwinyisa chitenderano changu naIsaka, uwo waanozokubarira Sara ngomukuwo uyu wakaemeswa gore rinouya.”

Uwo waane mazuva masere pakati penyu unozochekwa; mwamuna weshe pakati pemibarirwana yenyu, kunyazwi wakabarwa mumhatso yako, nokuti wakatengwa ngemare kubva kuvapara, usiri wedzinza rako. Weshe wakabarwa mumhatso yako, nowakatengwa ngemare yako, vanosisira kuti vachekwe. Ndizvo chitenderano changu chinozoa munyama yenyu kuita chitenderano chemhera nariini.