Popular Bible Verses from ሉቃሴ 3

Share

ዓሳ ቢያ ማስቴሢኮ ጊንፃ ዬሱሴያ ማስቴኔ፤ ዒዚ ዒማ''ና ሺኢቃ ጎይሣ ዓኣንቴ ጫሪንጫ ቡሊ''ንቴም፥ ዓያና ጌኤሺያ ዶኦሌ'' ማሎና ማዒ ዒዛ ዑፃ ኬዴ''ኔ፤ ዒማ''ና «ኔኤኒ ታ ኔና ናሽካ ታኣኮ ናዓሢኬ፤ ኔኤና ታ ዎዛዻኔ» ጋዓ ዑኡሲ ጫሪንጫፓ ዋይዚንቴኔ።

ዮሓኒሴ ጋዓንቴ ዔያቶም፦ «ታኣኒ ዒንሢ ዋኣሢና ማስካኔ፤ ጋዓንቴ ሜሌ'' ታጊዳፓ ባሼ ሙካንዳኔ፤ ታኣኒ ዒዛኮ ዱርዞ ቱኮ'' ሱዞታዖ ቡላ''ኒ ኮይሳያቱዋሴ፤ ዬይ ዒንሢ ዓያና ጌኤሺና ሃሣ ታሚና ማስካንዳኔ።

ዓካሪ ሃሢ ጎሞ ዒንሢኮ ቡኡፂፆ ዔርዛ ማዾ ማዻንዳኣፓዓቴም ‹ኑኡኒ ዓብራሃሜ ናኣቶ''ኬ› ጌዒ ዒንሢ ዒኖና ሄርሺንቲፖቴ። ፆኦሲ ሃያ ሹጫፓ ዓብራሃሜ ናይ ማሂ ዔቂሳኒ ዳንዳዓያ ማዔሢ ታ ዒንሢም ኬኤዛኔ።

ሃሢ ሚፆ ፃጳፓ ቲቂ ኬኤራኒ ሄርጋ ጊኢጊንቴሢሮ ቃራ ዓኣፒ ዓኣፑዋ ሚሢ ቢያ ቲቂንቲ ታሚዳ ኬኤሪንታንዳኔ» ጌዔኔ።

ዬይ ያዺ ማዔሢ ፆኦሲ ማሊፆ ኬኤዛ ዒሲያሴ ዮሓኒሴ ዛሎ'' ቤርታዺ፦ «ሃይ ዓሲ ናንጉዋ ዳውሎ''ይዳ ሂዚ ጌዒ ጌዒ ዒላታ ዓሲኮ ዑኡሲኬ፤ ‹ጎዳኮ ጎይፆ ጊኢጊሹዋቴ፤ ሉኡጎ ጎይፆዋ ፒዚሱዋቴ፤ ዶኦጫዻ ቤዛ ቢያ ኩሞንጎ፤ ዹኮ''ና ጌሜሮና ቢያ ሂርኪ ጎዖንጎ፤ ዎቦ ጎይፃኣ ፒኮንጎ፤ ጊኢጊ ኮሺ''ንቲባኣ ጎይፃኣ ጊኢጎንጎ፤ ዓሲ ቢያ ፆኦሲኮ ዻቂሻ ዎልቆ ዛጎንጎ!› » ሂዚ ጌዒ ፃኣፒንቴ ጎይፆናኬ።