ഞങ്ങളുടെ ദൈവത്തെ അന്വേഷിക്കുന്നവരുടെമേൽ അവിടുത്തെ അനുഗ്രഹം ഉണ്ടായിരിക്കുമെന്നും ഉപേക്ഷിക്കുന്നവർക്കെതിരെ അവിടുത്തെ ഉഗ്രകോപം ജ്വലിക്കുമെന്നും ഞങ്ങൾ രാജാവിനോടു പറഞ്ഞിരുന്നു. അതിനാൽ യാത്രയിൽ ഞങ്ങളെ ശത്രുക്കളിൽനിന്നു രക്ഷിക്കുന്നതിനു പടയാളികളെയും കുതിരപ്പട്ടാളത്തെയും രാജാവിനോട് ആവശ്യപ്പെടാൻ എനിക്കു ലജ്ജതോന്നി. ഞങ്ങൾ ഉപവസിച്ചു ദൈവത്തോടു പ്രാർഥിച്ചു. അവിടുന്നു ഞങ്ങളുടെ പ്രാർഥന കേട്ടു.