Popular Bible Verses from 'Lu 8

Share

Jorwor: deh⧾-yor: :or 'kpa-a 'o 'bluhba: 'jeh ken, or gweh nyor⧾ :on 'worn-a Nyorsoa-a' wlu, 'de :on kpon-uh-a dih 'de :porluh: 'jeh ka 'di-: 'dekorn: 'de 'yi 'sleh ka 'di-:. On po 'de 'kpih, 'de on :se-' sea, 'de on po 'yor.

Deh⧾-yor: :or 'kpa-a 'de 'wu⧾-kwla 'nyne-', or gweh nyor⧾ :on 'worn-a Nyorsoa-a' wlu, jorwor: :ka an kpa-a 'kmo :ne-eh 'dlu bo, :yee' 'kmo bo-deh:⧾ :en 'dhu-a, an-a' 'jeh-a' :porluh⧾ 'worn dih 'beh-dih-eh-: bhan-a'-: 'dekorn: an-a' 'jeh-a' :porluh⧾ dih 'pehn-dih-eh-: me-: kpon-uh :bhluun' 'worn dih, 'de an-a' 'yor :se-' wa.

Deh⧾-yor: :or 'kpa-a 'o 'bluhba: :or :ne-a 'soba 'zorn ken, or gweh nyor⧾ :yuh :mor on 'worn Nyorsoa-a' wlu, :yee' on kpon-uh-: dih 'do :porluh⧾-a' dih 'pehn ka 'di. Jorwor: on se deh-' dih 'worn-eh: 'jeh 'ble. :Yee' on gweh deh⧾-yor: :or :korn-a buh⧾ se-a :dha :dhorno' mu 'de glu. :Yee' on po-eh dhih 'jeh-', 'do ti-kpor-bei 'di. Jorwor: :mor 'ku 'dhen-uh dih, :yee' on ple-', on 'tali: Nyorsoa-deh-: dih.

:Yee' or dhele-uh-: dih, or 'dae:, Dha a-a' dhih 'jeh-' :po-eh :ne :eh? :Yeh or 'da :ao', :yee' eh :florn-dih-uh-: worn, 'de :fano-a no-uh. 'De an 'chihleh-eh 'i, an no, Deh 'i-deh-nyor: 'o, :or :dhe dih :eh? :Mor or 'nyi 'ni-: 'dekorn: :pobor' :sloror'-: 'tele', :yee' en dhe 'o or-a' 'tele'-: dih.

Deh⧾-yor: :or 'kpa-a 'o :gwie 'i, or gweh nyor⧾ :on 'worn-a Nyorsoa-a' wlu. :Yeh on 'worn-ih'-a, :yee' 'ku yi-: 'de, 'de on :za 'o Nyorsoa-a' wlu 'do on :porluh⧾ ken, 'de on :ne-' dhih 'jeh-' po, on :ne-' 'puh.

Deh :eh 'zile-eh, eh mu ken :nyeh. 'De deh :eh :kan-eh worn 'i, eh mu yubo-eh:, 'de mor eh mu 'o zorn-pli 'i :yi.

:Yee' :yeh 'nynor :dao', or 'ye-eh, :ka or se-a 'zile-eh 'beh-dih:, :yee' or-a' 'tiei-a tleh-', 'de or mu 'de :Yusu' bo. 'De or 'jli dih 'do or 'zorn. :Yee' or zela-or-: :gwluhuh', 'do nyor⧾-a' klehkpeh ybei', deh :korn-a dhih or 'tuh-or dih, 'dekorn: :ka or-a' 'weh no-a 'bor-a'-:. :Yee' :ka 'nynor jla-a, :yee' :Yusu' :wlu-' 'de or bo, or 'dae:, 'An 'yu, :an-a' dhih 'jeh-' :po-eh no-eh, 'de :an-a' 'weh 'bor. Mu :pehleh'peh:.

'De on mu, on za-or 'nyinor-', on 'dae:, Nyor⧾ deh :torne-nyor:. Nyor⧾ deh :torne-nyor:. 'Ni-a kpa :a 'weh o. :Yee' or :sorn-' 'weh, 'de or po :pobor'-: 'dekorn: yobo'-pehnu-a' 'duh⧾ :klaba'⧾ :dao' 'borboa' 'i. :Yee' en 'bor-', en no 'dhuan.