Popular Bible Verses from 'Lu 4

Share

:Gwlor :baa'-a' :Zulu :ne 'o 'on ken 'weh. Deh no-eh, Nyorsoa 'tan 'on 'weh, 'on 'ye tubo-wlu:⧾ 'jeh po, 'de nyor⧾ :on se-a deh-' :za-da 'ble bo. Or dbo 'on 'weh, 'on 'ye wele-eh po, 'de :kasue-nyor⧾ bo, 'on 'ye :ao', A zelie-eh. 'De 'on 'ye wele-eh po, 'de 'doror'-nyor⧾ bo, 'on 'ye :ao', A 'ye dih. Or dbo 'on 'weh, 'on 'ye nyor⧾ an no-a dhih-', zelie:, 'de 'on 'ye wele-eh po, :ka zon nyni-a 'o, :Gwlor :baa' 'ye-a or-a'a: nyor⧾ mla bo po.

'De :Yusu' 'da, Eh 'chle-eh:-' 'de Nyorsoa-a' 'chlee-deh 'di, eh 'da, :An-a' :Gwlor :baa' Nyorsoa, or-: :on 'ye :weheh' :za, :yee' or :due', or-: :korn 'bhoi-yu-deh: :on 'ye no.

'De :Yusu' 'dae:, Eh 'chle-eh:-' 'de Nyorsoa-a' 'chlee-deh 'di, eh 'da, :Gwlor-nyor se dii-deh :due'-a' 'kmo-' :ne-dih-eh 'beh-dih:.

:Yee' :yeh :Yusu' 'wluh-a 'o 'Jorle-ni worn, :yee' or 'yi-dih: Gban 'i :ne :Zulu-: dih. 'De :Zulu kpa-or 'de :bhehneh'-bluhba ken.

'De :Yusu' 'da, Eh 'chle-eh:-', eh 'da, Nyor-a' 'dhen :an-a' :Gwlor :baa' Nyorsoa-' dih.

:Yee' :yeh 'ku gweh-a :Yusu'-a' dih 'dhen-eh 'i, 'do deh⧾-a' klehkpeh :daa bo, :yee' on 'wluh 'o or klei' 'weh, 'do ti-kpor 'di.

'De 'ku kpa-or 'de :dha :tehn-a ya. 'De 'yli :a bla-a 'i, on :torne-or 'bluhba⧾-dlu⧾-a' klehkpeh :en :ne-a dha yao 'zorn. 'De on 'da, 'Bluhba⧾-dlu⧾-a' klehkpeh :daa-: 'dekorn: en-' 'yi dih :nmor-eh-: me-: 'an mu :on 'nyi-: :on 'ye wlu 'ken :korn. Deh no-eh, en 'nyi-eh: 'on 'weh. Eh-a' dhih, nyor 'an 'bhorn-a 'on 'ye-ih'-a 'nyi, or-: 'an mu-ih 'nyi-:. :Yee' :mor eh 'dhu, :on :za 'on :weheh', :yee' en-' klehkpeh :daa, en mu 'de :on bo :korn. 'De :Yusu' 'da, Eh 'chle-eh:-' 'de Nyorsoa-a' 'chlee-deh 'di, eh 'da, :An-a' :Gwlor :baa' Nyorsoa, or-: :on 'ye :weheh' :za, :yee' or :due', or-: :korn 'bhoi-yu-deh: :on 'ye no.

'De 'ku kpa-or 'de :Julu'slehn. 'De on :nyna-dih-or dih 'de Nyorsoa-a' 'sla-a' 'kpehehn 'i. 'De on 'da, :Mor :on 'dhu Nyorsoa-a' 'Yu-', :yee' po :an-a' 'jeh 'zorn. Deh no-eh, eh 'chle-eh:-' :neheh', eh 'da, Or mu or-a'a: 'enjor-nyor⧾ 'tele' 'nyi-: 'do :an-a' dhih bo, on 'ye :on 'yli-eh bo 'dhu. 'De on 'ye :on 'sa 'de on 'kwa, 'de :an-a' buh :ne-' sobu' 'i kor. 'De :Yusu' 'da, Eh 'chle-eh:-', eh 'da, Nyor-a' 'dhen :an-a' :Gwlor :baa' Nyorsoa-' dih.