Popular Bible Verses from :Jororn' 14

Share

:Porluh-a' dih 'pehn-eh:, eh-: 'an sie-dih a-uh. 'An :porluh-a' dih 'pehn-eh: 'o, eh-: 'an 'nyi a-uh. 'On :se-eh' a 'nyi :ka 'kmo-a no-a eh-a' nyor⧾ 'nyi-eh. A-a' :porluh⧾-a' 'beh-dih:-' a 'worn dih. 'De mor a 'bor :fano: :ple-eh :ke.

'De :Yusu' 'dae: 'de or bo, 'Mor 'dhu :gwie: :eh no-eh 'de nyor⧾-a yubo-a dhih-a' 'yor-eh: :en kor-a Nyorsoa 'i, 'de :eh 'nyi-a nyor⧾ :febeh'. Nyor se 'beh-dih: or 'ye 'de 'On-ba bo mu, :mor eh 'dhu, or :yi-dih: 'on-' :gbor, 'de or 'ye 'de mu.

:Yee' :Yusu' :wlu-' 'de or-a'a: bo :na-nyor⧾ bo, or 'dae:, A-a' :porluh⧾-a' 'beh-dih:-' a 'worn dih. A dhe Nyorsoa :gwlii'. :Yee' a dhe 'on :gwlii' :ke.

Jorwor: nyor⧾-' :za-dih-nyor: :or 'dhu-a Gban 'i :ne :Zulu-', or-: 'On-ba-a mu :dbo, 'de 'an 'nyne 'di. Or mu a deh⧾-a' klehkpeh :torne:. :Yee' deh⧾-a' klehkpeh 'on :za-a-' 'de a bo, or mu-ih a :gwluhuh' bo :po-dih:.

Nyor-beh: :or 'ble-a 'an 'tele', 'de :or dhe-eh 'o dih, :yee' or-: no nyor :or :ybeh-a 'on-'. Nyor :or :ybeh-a 'on-', 'On-ba-a mu-or' :ybeh :ke. :Yee' 'an 'yor-eh mu-or' :ybeh :ke, 'de 'on 'ye 'an 'jeh, or 'i :to-dih:.

:Yee' 'an mu 'On-ba dih dhele:, or 'ye nyor :noror' dbo, or 'ye a-uh' :za-dih:, 'de or 'ye 'o a bo :ne, :ka ti-a mu-a 'dlu-' :tehn. Nyor-a' 'jeh :dao', or-: 'dhu Nyorsoa-a' :Zulu: :an torne-a nyor⧾ dhih-a' 'yor-eh: :en kor-a Nyorsoa 'i. An-a' 'jeh :dao', 'kmo se an-a' dih :kpon-eh 'beh-dih:. Deh no-eh, on :se-uh' 'ye, 'de on se-uh yubo:. Jorwor: a :mor :mloror', a yubo-uh'. Deh no-eh, on :ne a-uh' 'weh, 'de mor an mu 'o a bo :ne.

'De mor deh-beh-deh-beh: a mu-a 'yba-: 'de 'an 'nyne 'di, 'an mu-eh :no, 'de 'on 'ye 'On-ba-a' 'nyne dhih-a' 'i 'beh-a' 'nyi. :Yee' :mor a 'yba deh, 'de 'an 'nyne 'di, :yee' 'an mu-eh :no, 'do a bo.

:Yee' :Yusu'-a kpa or-a' wlu 'dlu bo :chio'lo:, or 'dae:, :Mor a :ybeh 'on-', :yee' a mu 'o 'an 'tele' dih :dhe.

'De 'On-ba 'bli 'gbu, :chuu:⧾ :dhulu' :ne 'de. 'An mu :mu, 'on 'ye dha 'kpa po 'do a bo. :Mor eh se :ao' :ne, :yee' 'on :se-' a :gwluhuh' zela: i :dee'.

:Yee' :mor 'on mu, :mor 'on gweh dha 'kpa :po-eh 'i, 'do a bo, :yee' 'an mu de :yi :neheh', 'de 'on 'ye 'de a kpa. 'De :dha 'on :ne-a, 'de a 'ye 'o :ne :ke.

:Yeh :Yusu' 'da :ao', :yee' :Tormor' :wlu-' 'de or bo, or 'dae:, :Gwlor :baa', 'do :dha :an mu-a, :a se-a 'o yubo:. :Yee' :kaa :a mu :gwie: :eh mu-a 'de, eh-a' yubo-eh :no :eh?