Popular Bible Verses from Noo-deh:⧾ 9

Share

:Yeh or 'da :ao', :yee' :Gwlor :baa' 'dae:, Mu. 'On gan-or', or 'ye 'an-a: 'bhoi-yu no, or 'ye-eh' no, 'de nyor⧾ :on :se-a :Jueh'-nyor⧾-: 'keen-boi'-: 'dekorn: 'Ezlea-nyor⧾-: on 'ye 'an 'nyne yubo:.

:Yeh en no :ao', :yee' or 'ga-: dih 'do 'bluhbor. :Yee' or 'worn wlu, mo-: 'da, :Soror', :Soror', :eh :korn dhih :an 'ye-dih 'on 'kle :eh? 'De or 'da, :Gwlor :baa', :an-a' 'nyne :eh? 'De wlu :dao', on :za-eh: de :neheh', on 'da, 'Mor :Yusu' :oo', :an 'ye-dih-a 'kle.

:Yeh or 'da :ao', :yee' 'Anenaya' mu-', 'de or pa 'de 'gbu :on :korn-a 'di :Soror' :ne-a. 'De or tba-or son⧾ ken dih, or :wlu, or 'da, 'An 'de-di' :Soror', :Gwlor :baa' :Yusu' :or 'wluh-dih:-a :on 'i 'do :gwie 'i, ti :an yi-a 'de, or-: dbo 'on 'noror :on bo, :on 'ye dih 'ye :neheh', 'de Gban 'i :ne :Zulu 'ye :on-' dih 'yi-dih:. :Yee' 'do :dha :due' :dao', deh⧾ :en gweh-a zimi-a' 'kon⧾, me-: 'wluh 'de :Soror' 'yli, 'de or 'ye dih :neheh'. 'De or :sorn-', 'de 'Anenaya' po-or 'ni 'dlu.