Popular Bible Verses from Noo-deh:⧾ 11

Share

:Yeh or 'ye-or, :yee' or ya-or 'Antior:. :Yee' 'do zon :due' 'di, :Bana'ba-: 'dekorn: :Soror'-: on :ne 'chore-a 'gbon-dih-' 'do ti-a' klehkpeh bo, 'de an torne nyor⧾ :dhulu' deh. 'Do 'Antior :oo', on 'da-dih: :Yusu'-a' klei' :zi-nyor⧾ 'Klae-a' nyor⧾ :zai'.

:Yeh or 'si-a dih, 'de or 'ye-a :ka Nyorsoa no-a nyor⧾ :on :ne-a 'de, an-a' mla bo :po-eh, :yee' or-a' :porluh 'pehn-: dih, 'de or po 'de an-a' 'kpih, on 'ye :Gwlor :baa'-' :ne, :ka ti-a mu-a 'dlu-' :tehn, 'do an-a' :porluh⧾-a' klehkpeh bo. :Bana'ba-a' 'jeh :dao', or no nyor 'jeh :nor, :or 'yi-dih:-a Gban 'i :ne :Zulu-: dih, 'de :or :korn-a dhih 'jeh-' :po-eh 'beh-a 'i. 'De or no-eh, 'de nyor⧾ :dhulu' po :Gwlor :baa'-a' dhih dhih 'jeh-'.

:Yee' 'do eh-a' dha, :mor Nyorsoa 'nyi-uh 'nyii'-deh: :eh :korn-a 'be or 'nyi :a :mor :or po-a :Gwlor :baa' :Yusu' 'Klae-a' dhih dhih 'jeh-', :yee' deh 'i-deh-nyor: 'on 'dhu-eh:-', 'on 'ye Nyorsoa 'borboa' 'i po :eh? :Yeh :Jueh'-nyor:⧾ :dao', on 'worn-a deh :Piteh' :za-a-', :yee' deh on 'ye-a' 'o :za-dih:, eh se :ne. :Yee' an po Nyorsoa-a' 'nyne ya, an no, :Yee' Nyorsoa 'worn-dih-eh ken dih 'weh, nyor⧾ :on :se-a :Jueh'-nyor:⧾ on 'ye an-a' deh⧾-zon⧾ dih 'tali:, 'de on 'ye 'kmo :sie: :febeh' 'ble :ke.