Popular Bible Verses from Matius Uram 11

Share

Ato ebmou cok, Er Yesus biryi ato eboka nabmasou, “Sunda mambul kanya boramunyi nang nirya ara Ni dam yandobmunyi ura, Niryi sun kanya asi teleb kibdeibkwan.

Ati, sunci yandoka Ni milinin nang kibdobmunyi ura, Niryi etereransin uram kunubde bindarur. Sunci Ni uram asi diboka kekeramunyi uca, sunci Niti, ‘Anyi bira kanya naminyi ton luknubdob kanya borurnyi kurur,’ tenen bikdobkwandarur. Sunci Ni dam yandobmunyi ura, Niryi karebsinyi uca, sun kanya eleleng ebkwansir.

Niryi eteresunun uram ton, ‘Ato-ato kunubde bindarur,’ eboka arungdeirisunun ara ikin uram kuma. A deyok aryi, sunci Ni dam yandobmunyi ura, Niryi karebsinyi uca, sun kanya ara eleleng ebkwansir ati ebman.” Ato eboka Yesus biryi ninyi nabmou.

Ni Nai, Kanci Kan mikib ab utotoa nirya ab ara Ni taruk dam karebnoumwe. Kanda Ni Nai kurum aryok, Kan kikwe Nisi diboka bingnanurum. Tonda, Nira Kan Mi nong kunun aryok, Ni kikwe Kansi diboka bingkunun. Tonda, Ni Kan Mi aryi teleb tenenun to, Niryi ninyi ton nang wibdeiboka lak kimdeirinun uca, a nang ababyi Kanda Imtamnyi bisi bingkunung,” ebmou.

Asibdenmai ba, Er Yesus biryi sunsi ato ebmou, “Ni eterenun uram sunci kekenmarum ab, Ni ilil tenen dinyi kiknibde banun asi asing eibmarum ati sunci Yohanes dam tamurbindoka nukde bindarur. Nukde bimunyi ura, Yohanes biti Niti, ‘Anyi bira ato-ato kururnyi,’ tenen bikdobnute. Sun asing kuanci nang asi elengdeirinman uca, asing eibkatabmang. Sun yan deneanci nang asi niningdeiriran uca, tikoka yibaronmang. Sun bol susa taleanci nang ara akarsangdonmar. Sun amol kinikanci nang ara amol kungdeirinman uca, ninyi uram kekenmang. Sun din nang ara kam burdeirinman. Tonda, sun tukwetam bukoka bona utotoa kum boraming nang ara, ‘Er Imtamnyi biryi lebdeibkwansir,’ en uram Teleb Uram kekeraming. Ati, sunci Yohanes dam tamurbindoka a asing eibmarum to ab, sun amol aryi kekebmarum to nukde bindarur.

Unanyi-unaner ara amol borandum nang aryi a ebmasin uram diboka teneibmuncok, kekebdobkwandur!” Er Yesus biryi ebmou.