Popular Bible Verses from Lukas Uram 20

Share

Ura, Er Yesus biryi sunsi ato ebmou, “Ato kubwe asi asing eibmarum ura, kanya luknubdongoboka sun ebmangnyi to kuboka, Kaisar biti karebman dinyi ara sun taruk dam kubmaci ura, Kaisar biti karebdarur! Ba, Er Imtamnyi biti sun kanya dam aryi luknubdongoboka Er ai dam deirirbinmanto dinyi ab, Ersi dib tenen dinyi ab aryi Ersi karebkwayeb tenebmamunyi ura, Er Imtamnyi biti karebkwandarur!” ebmou.

Ato ebmai bok, Er Yesus biryi sunsi dibdenmouci, ato ebmou, “Ato ebmarum ura, Mazmur kerek sengna umbura dam kerek sekdeibwe to ara una kuboka kunubkwande do? ‘Ai don nang aryi bai donokamnyi keil asi Er Imtamnyi biryi ai yuma nunung dein keil kibdeibwe.’ (Mazmur 118:22)

“Sunda Musa kerek sengna etereraming nang aryi wingdan kanya bonungci, kuraming to dinyi ara kalikdandobkwandarur! Ara, cang acu murun ongon aling ongobingiryi, bisik ai yibarkiringnaming to ab, ‘Dengdan ai dam bukmangnyi nang aryi erebdeibsiting,’ tenen yibarkiringnaming to ab, Musa Uram eteren ai wengbindoka teleb ai erebdob sokon burbaraming ab, kwalina yin tum asi erebdob sokon burkiringdaming to ab ara kalikdandobkwandarur! A nang sunda sulyi nerabwe asi tola eboka sun ai ukula doronung. Ba, ato kuboka malyi kun dinyi biksingyei tenebingnyi ura, Er Imtamnyi bisi molon dinyi ara cang weikto moloraming. Ato kuboka wingdan kanya bonung deyok aryi, aminda ara tukwetam wenebkwande tum ara sunda weiktoto wenebkwande,” ebmou.