Popular Bible Verses from Yohanes Uram 19

Share

Yesus biryi sik co du yung ton sirya yibmou ura, Erci, “A kunum sirya,” ebmou. Ebmou cok, Erci Er kisok kanubdongoboka isin nebneb ena dakdokmouci, dibmou.

Ura, Yesus biryi, “Er Imtamnyi biryi Nisi takubdeibnou to nirya asi sirya kunubman,” tenen bikdanmou cok, Erci, “Er Imtamnyi Uram umbura aryi Niti enurur to kunubkwan,” tenen, “Me atanmanir,” ebmou.

Ura, Yesus biryi Er kwin ab Er miliramunyi ab tikmarei asi asing eibmou ba, Erci Er kwin bisi, “Nong, Ni kwit bira kan ab tikmarurumnyi bisi, ‘Ni mi,’ tenen dobdobdum,” ebmou. Tonda, Erci Er miliramunyi bisi ato ebmou, “Ni kwit, Ni kwin kan ab tikmarurum ner ati, ‘Ni kwin,’ tenen dobdobdum.” Ura, a talak aryi kuboka Er Yesus miliramunyi biryi Yesus Er kwin bisi, “Ni kwin bisi dibniliboka kalikwan,” tenen dobdobmou ura, er mabwe silib ab tonkwa kuramnyi.

Ura, Yesus dam bindoka asing dinmai uca, sunci, “Sirya dibmar,” tenen eibmai ati, sunci Yesus Er yan kum bulakdeibmai. Eda, yin doun nang kankan aryi tentoknyi biryi te balang doboka Yesus ya cok dam lukmou. Lukmou uca, ining ab me ab dilaka aryi kuboka dikwetebmou.

A dinyi nirya kubmou ara Er Imtamnyi Uram umbura minob ebmou to kunubkwamwe ati kubmou. Er Imtamnyi Uram ara ato ebmou. “Er yok tentok ababyi kum bulakwaming.” Tonda, yuk tam ara ato ebmar. “Anabkwandanyi bira sunci minob lukmainyi bisi asing dinkwaming.” (Zakharia 12:10)

Ara, Er Yesus bisi ingna co ab co lase ab takubdeibmai ura, sunci Ersi mutuk yim si Golgota bobinmai. Ara, Ibrani uram umbura aryi Golgota eramnyi ba, nun uram danguboka, “Ninyi Kisok Yangkol Yok Deirin Dam,” eramib.

Ura, sun yin doun nang aryi litukna aryi obmai cok, sunci Yesus bisi ina ngilikwamai ati tiling-tilinga doboka kisok kaluna ato dinyi kiknibmai ura, Yesus kisok kalubdeibmai. Tonda, Er Yesus bisi alib ongon aling bi dinyi asi ongobdeibmai.