Popular Bible Verses from Kisah Para Rasul Uram 1

Share

Bok, Er Imtamnyi biryi Er Kanya Roh Kudus mikib asi sun dam karebkwansir. Karebsici ura, sunci Ni deyok asi lak eterena nang kubkwandum ati ebman. Ara, Yerusalem atei aryi kuboka Ni deyok etereboka, Yudea mutuk ab Samaria mutuk ab bindoka eterebmunyi ura, sunci sun im dangna tukwe dangna nang nirya asi Ni deyok ati eterebkwandum,” ebmou.

Ato eboka asibdenmai bok, Er Yesus biryi sunsi ato ebmou, “Ni Nai Er yuk ato kubkwanci talak ab uki tum ab asi bikoka kubdeibkwandanyi kurur. Ati, sunda a uki tum ab talak ab asi sunda bingna kikib kum kundarur.

Ura, sun ab tonkwa tuba kuramiryok, nun Du Yesus biryi sunsi ato eboka takubdeibmou. “Sunci Yerusalem atei taklobimunyei. Eda, akatei a tuba kuramunci, Er Imtamnyi biryi ebdeibmou to kununa asi dibde bunkwandarur. Ara, Ni ebmurubmasin to dibde buramunyi ura, binkwandarur,” ebmou. Ebmou cok, Er Yesus biryi sunsi ato ebmou. “Yohanes biryi sunsi me dem dongobsou bok, uki mitikanun mabmamunyi ura, Er Imtamnyi biryi Er Kanya Roh Kudus sunsi karebsici ba, me dongona ato kubdeibkwansir,” ebmou.

Imtam bowelebana kabul talak ara, nun Du Yesus bira dibmou ani, Erda kam bukokmounyi biryi Er Teleb Uram eteren deyok nang Erci wibmou nang ab ebdandoka, “Ni kwit yabwe, Ni kam bukokman,” eboka Er baramnyi lak kimdaramwe. Ara, uki empat puluh baryi aryi Erci Er baramnyi sunsi diboka lak kimdaramuryi, Erci Er Imtamnyi biryi ninyi nirya asi kalikwansir deyok ati sunsi etereramwe.

Er Yesus biryi ato ebmou ba, Er ab tonkwa kubmai nang aryi asing dinmai bok, nun Du Yesus bisi bowelebinmou. Dinmai bok, duwa ton libdongobmou uca, sunci sun Du Yesus bisi asing eibman kum kubmai.

Asing eibman kum kubmou ba, imtam asi tuba dinmai bok, “Nai e,” ninyi bitinyi ara kait aling ongobmarei nang asi sun dam lukdandoka yantikmarei. Yantikmarei cok, sunci, “Nun kwit yabwe Galilea mutuk nang o. Unato ati, sunda imtam dibwelebmarum do? Sun kanya mambul kuna mem se. Anyi Yesus bira sunsi takloboka imtam bowelebmar bok, aminda aryi tamuboka yuryankwande. Ara, imtam welebinmar asi asing eibmarum to, aminda ababyi ato kuboka yuryankwande,” ebmarei.