Popular Bible Verses from Rom 8

Share

Na kie saie loꞌu uri a God ko esu i lalo aana ahutana walu ola ko reu-reu hunie ke haꞌadianaꞌakie, mo iini e soikie oto i sulie oalaꞌinge ingeie na kie ko manata diana hunie.

Iau, nou tohungei hiiwalaimoli aana uri nga taꞌa-taꞌa mei ola e saꞌa oopakie ike mwaanie manata-diananga a God. Manata-diananga a God kei iiꞌo oto huu aaka, maꞌalana uri kie ke mauri wa kie ke mae loꞌu. Na maꞌalana mo ensel wa mo liꞌoa aaela wa mo aakalo wa mo wesi wa mo hiꞌona wa mo ola nanama loꞌu urine, taꞌe e aasa oto hunie kire ke oopakie mwaanie manata-diananga a God hunikie. Maꞌalana nga mei ola ke iiꞌo oto molana wa ke si haro lae mai, na maꞌalana nga nanamanga loꞌu uri taa taꞌau i Lengi wa loꞌu mei aano, taꞌe e aasa oto hunie ke oopakie mwaanie manata-diananga a God. Iau, maꞌalana nga mei taa loꞌu aana mo ola a God e haꞌaholaꞌi, na e kaꞌa sai oopakie oto mwaanie manata-diananga a God nge a Jisas Kraes, Aalaha ikie, e haataꞌinie oto hunikie.

Na mala a Liꞌoa Maaꞌi ko peꞌikie huni maaꞌoohi susutoꞌo urine, nge ko peꞌikie noꞌone aana taꞌena nga ola loꞌu kie ko mamaelaꞌa oto aani. Kie kaꞌa saie ike nga taa kie ke aarengaꞌi hunie, wa uri kie kei aarengaꞌi uri taa. Oto Liꞌoa Maaꞌi maraana e lae peꞌi aarengaꞌi talaka aana mo wala hule aana ikie na kie kaꞌa saiꞌi.

?Oto nga taa nge kie kei unue aana mo olana? ?Mala uri a God ke iiꞌo peꞌikie, a tei nge kei roroꞌa uure honosikie?

Oto ie a God e saꞌa lei mae aaka ike, aena aana kie lado oto peꞌie a Jisas Kraes.

Mala nga iini ko neꞌisae paine mola haahie tolahai iinoni aaela, nge kei maesie. Taꞌe mala uri neꞌisaenga iinoni ko iiꞌo susu mola aana Liꞌoa Maaꞌi, nge kei helesie maurihe na hanuelamanga i tehulaꞌana.

Taꞌe maꞌalana walu ola urine ke hite-hite aaka loꞌu, kie ke aꞌailaꞌasie mola taꞌingelu walu olana aena aana a Kraes e manata diana hunikie.

Nou sai diana aana uri walu ola nge kie ko sapesalu eeni aana maholo ienini, walu ola mwaakule mola ni ngeena, aana kie ko loꞌongaꞌinie tohungei mei menikuluꞌanga nge a God e loohaꞌinie naka.

?Na nga mei taa ni e sai oopakie mwaanie manata-diananga a Kraes? ?Uri a Kraes kei sereꞌinikie maholo kie ko siꞌohaꞌa, wa kie ko lae oodoie aasanga, wa aana mwala ko teungeꞌinikie, wa aana kie ko maesie hiolo, wa kie kaꞌa toꞌo aana ike nga mo sala, wa mwala ko horo maesikie? ?Uri walu ola urine ni kire sai oopakie mwaanie manata-diananga a Kraes? !Haꞌike oto ooꞌoo!

Taꞌe a God e saie mola neꞌisaenga ikie mo iinoni, na e saie taane loꞌongaꞌinge Liꞌoa Maaꞌi maholo ko aarengaꞌi talaka mo iinoni a God, aana Liꞌoa Maaꞌi ko aarengaꞌi talaka aana tohungana tala nge a God e saetoꞌo aana.

Mwala nge Liꞌoa Maaꞌi a God ko naꞌoda, ikire oto mo kalena God.

Mwala nge kire iiꞌo i sulie tolahai ola aaela aana walumalau, kire neꞌisae paine haahie walu ola aaela aana walumalau. Taꞌe mwala nge kire iiꞌo i sulie tolahana Liꞌoa Maaꞌi, neꞌisaenga ikire e iiꞌo susu mola aana nga taa Liꞌoa Maaꞌi e saetoꞌo aana.

A God e kaꞌa saenie ike nga mei ola mwaanikie, kaꞌu hule aana e toliꞌaasie a Kalena hunie ke mae huni haꞌa-uurikie. Oto leune ko haataꞌinie uri a God kei tohungei nii mwaakule mola aana ahutana mo ola diana ingeie hunikie.

Liꞌoa Maaꞌi ko unu haꞌa-oaie tararuru peꞌie neꞌisaenga ikie uri ikie oto mo kalena God. Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

Mo iini kire ko neꞌisae paine haahie tolahai iinoni aaela, nge kire neꞌi maelonga oto hunie a God eena. Kire kaꞌa sai lulu i sulie oto mo Haꞌatolanga a God aana e tohungei aasa hunie kire kei lulu i suliꞌi.

Taꞌe-taꞌena nga ola a God e haꞌaholaa ko maa-maaꞌoohi peꞌi toꞌue luada huni leesie haataꞌinilana manikuluhaꞌana mo tohungei kalena God.

Aana kie saie uri hule mai siꞌiri, ahutana walu ola aana haꞌaholanga ko ngara-ngara ue peꞌi sapesalunge, mala huꞌe ko sapesalu hunie toꞌo-mwelanga.