Popular Bible Verses from Rom 4

Share

Maholo ko loꞌongaꞌinie haiholotaꞌinge a God, e kaꞌa neꞌisae rue-ruaꞌa ike loꞌu aana, taꞌe ko si hiiwalaimoli ngei-ngedi mola peꞌie paalahelana a God. Aana e sai diana aana mola uri a God kei haꞌa-oaie haiholotaꞌinge ingeie.

mala a God e unue i sulie a Ebraham i laona mo Uusu-uusu Maaꞌi uuri, Nou lio hilisiꞌo oto hunie o ke neꞌi aamana mo komu ni iinoni oto hunge. Oto i sulie haiholotaꞌinge ingeie mone, a God e lio saie oto a Ebraham mala weuwaka. Na a Ebraham e hiiwalaimoli aana haiholotaꞌinge a God, aena aana ingeie oto God nge e sai niie maurihe hunie mo iini e mae oto, na e sai haꞌaholaa loꞌu taꞌena nga ola haalu nge kire kaꞌa iiꞌo ue mai laona walumalau.

Iau, a God e niie mai a Jisas uri hunie ke mae honotana mo oorahaꞌaanga ikie, oto e taꞌe aalihoꞌi aana loꞌu uri hunie kie ke neꞌie iinoni oodotaꞌi i maana.

A Ebraham e lae mola peꞌi hiiwalaimoli aana a God na peꞌie norutoꞌonga aana huni esuie nga taa e haiholotaꞌinie, maꞌalana mei olana ke lio aasa loꞌu hunie ke oa. Aena mei olana, nge a God e lio hilisie a Ebraham hunie ke neꞌie aamana mo komu ni iinoni hunge oto mala mo Uusu-uusu Maaꞌi e unue uuri, Mwala aana komu ni iinoni iꞌoe kire kei hunge mala heeꞌune salo.

Aena mei olana nge haiholotaꞌinge ngeena mei ola mola i sulie hiiwalaimolinge. A God e asuie oto urine, uri hunie haiholotaꞌinge ngeena ke neꞌi niinge oto mola mwaakule, na e sai hule aana ahutana mo weuwana Ebraham mai puri. E kaꞌa ola ike mola ikire mwala ko lulu i sulie mo Haꞌatolanga a Mosis, taꞌe e neꞌie oto mei ola hunie ahutana mwala e hiiwalaimoli aana God mala a Ebraham e hiiwalaimoli aana. Aana ingeie oto weuwana ahutaka nge kie hiiwalaimoli aana a God

Aana a Deved e teꞌuri, Mwala nge a God e saeꞌaasie oto mo takalonga ikire, na e haꞌamangoa oto mo oorahaꞌaanga ikire, kire kei ilenimwaꞌe oto liutaa. Na iinoni nge a God e pulongosie oto mo roroꞌanga ingeie, kei tohungei ilenimwaꞌe.

aana mo Uusu-uusu Maaꞌi e unue uuri, A Ebraham e hiiwalaimoli aana God, na aena urinena nge e neꞌi iinoni oodotaꞌi i maana a God. Oto kolu leesie uri oodotaꞌinge mei niinge a God, na nga mei ola mola hunie mwala ke tarie aana asunge ikire haꞌike.