Popular Bible Verses from Mak 5

Share

Oto a Jisas ko teꞌuri hunie, “Kaleku, hiiwalaimolinge iꞌoe e haꞌa-uuriꞌo oto. O awaa oto mwaanie mei maelaa ngeena. Lae mola aani henuelamanga.”

Na ngaeta keni i leune, apu raha-raha ko seunie oto hunie aawalai helisi mwana rue. A keine ko lae oto i saana mwala kure-kure hunge, taꞌe hunie uri ke awaa mola haꞌike. Na e waiahea tari-olanga ingeie aana e holi-holi talana, taꞌe nga mei ola hunie ke toꞌo hoorana haꞌike, ko si peine mola.

Na maholo a keine e kopi aana toꞌoni a Jisas, oto apu raha-raha ngeena e mango oto mwaanie aana maholona, na e hiingeꞌinie uri e awaa oto taꞌingelu.

A pulena e hule oto aana aawalai helisi mwana rue, na a Jisas e hele i nimana, ko si teꞌuri hunie aana erenga ni Jiu, “Talitha, koum.” Loꞌongaꞌinge aana uuri, “Kele pule, no ko unue huniꞌo o ke taꞌelaꞌi oto.” Na oto lau-leu a pulena e taꞌelaꞌi, ko lae hailiu oto. Oto maholo kire leesie urine, kire ko si tohungei pangataꞌi oto hiitoꞌo.

Na maholo a Jisas ko ere-ere ue urine, ngaeta mo iini kire lae mai uure mwaanie nume a Jaeras, kire ko teꞌuri hunie a Jaeras, “Kele pule iꞌoe e mae oto. O ke suꞌuri haꞌaweoa loꞌu a Haꞌa-uusuli.” A Jisas e rongoa mola nga taa kire ko unue, taꞌe e unue mola hunie a Jaeras uuri, “O ke suꞌuri tolahiꞌe, taꞌe o ke hiiwalaimoli mola aaku.”

Oto a Jisas ko teꞌuri hunie, “!Iꞌoe, liꞌoa aaela, o ke iisitaa mai mwaanie mwane ngeena!” Oto a mwaena ko soi oto paine uuri, “!Ai Jisas, Kalena a God, iini e paine liutaa! ?Nga taa oto o kei esuie aaku? No ko eitanaiꞌo aana satana God, o ke suꞌuri haꞌaletehieu.” Oto a Jisas ko dolosi aana uuri, “?Satamu a tei?” A mwaena e aalamie oto ko teꞌuri, “Sataku a Hunge, aena aana emi hunge oto hiitoꞌo i laona mwane ie.”