Popular Bible Verses from Matiu 23

Share

Na nga iini hikemiu nge ko sare aalaha, ke neꞌi iinoni auꞌesu oto namiu.

Aana taꞌena nga iini ko haꞌapainaꞌaa maraana, nge a God kei haꞌamwai-mweiꞌaa. Na taꞌena nga iini ko haꞌamwai-mweiꞌaa maraana, nge a God kei haꞌapainaꞌaa.”

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu ko niie taane tangahuluꞌana tari-olanga iꞌomu hunie a God, na lai hule oto aana toꞌo-olanga iꞌomu aani sihola. Taꞌe hule aana omu kaꞌa aapwasu ike aana tohungana haꞌa-uusulinge aana mo Haꞌatolanga, mala leinge toꞌohuu, na aamasinge, na hiiwalaimolinge. Mo naꞌohai ola uri hunie omu ke dau i suliꞌi kaꞌu ienini. Na loꞌu mwaanie omu pulongosie mo haꞌa-uusulinge mwai-mwei mala niilana tangahuluꞌana tari-olanga iꞌomu.

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Aana omu urihana mola mo nime na mo kao-kao kire hoda rereꞌa aana aapa poꞌoi sinaha, taꞌe wau i laona e honu mola aana ngaulaa e kasu. Omu ko sasare lio kohi i maana mwala, taꞌe hule aana saemiu e honu oto mola aana horo-pelinge na taꞌena nga loꞌongaꞌinge aaela.

Oto a Jisas ko heꞌi ere uuri loꞌu, “!Aaia Jerusalem, Jerusalem! Iꞌomu oto omu ko horo suuheꞌinie mo propet na omu ko uuꞌi maesie mo iini a God e uusungeꞌinire mai huniꞌomu. Mo maholo hunge nou sasare peꞌiꞌomu mala pwa-pwa ni kue ko lokoa mo kalena i hahana apa-apana huni haꞌa-uurire. Taꞌe omu kaꞌa saetoꞌo aaku ike.

Iꞌomu, omu urine noꞌone. Aana leesilemiu poꞌoi sinaha uri iꞌomu ni oto mo iinoni diana, taꞌe wai lalo aamiu, e honu oto mola aana lupweꞌi-deunge na oorahaꞌaa.