Popular Bible Verses from San Mateo 8

Share

Jesús ndachro: —¿Unda anto xraon ra? ¡Jaꞌa ra xro nchion chunthia ra! Kuthejan Jesús bingathjen ko takuenta chrintho ko jinda jikjamangiathe. Ko kain xratao tabeꞌe.

Ko xi capitán ndachro xa: —Jaꞌan jikininxinꞌa na ixin suixin sixiꞌin nchiania, jeꞌo rinaꞌo thetuꞌan tsuxrueꞌen xi ncheꞌe xrana ko jeꞌe xa tsuxrueꞌen xa.

Are Jesús kuiꞌin jiꞌi, jeꞌe kuiseꞌen ko ndachro ngain chujni jidikao: —Jaꞌan nduaxin rundathjo ra ixin nguixin nuntheꞌe Israel xruꞌin chujni bikon anto chunthia inchin xii jiꞌi.

Kuthimejan Jesús ndachro ngain xi capitán: —Sathji nchiandui ko tsuꞌen inchin jaꞌa bithikaon. Ko xi ncheꞌe xree xi capitán kuxrueꞌen xa are juexin nichja Jesús.

Ko kain ni bakao binthekiseꞌen na̱, ko ndachro na̱: —¿Kensen xii jiꞌi, ixin chrintho ko jinda dithikaon thi ndachro xa?