Popular Bible Verses from San Mateo 19

Share

Jesús tabetsjeꞌe na̱ ko ndache na̱: —Chujni chroꞌa sincheꞌe na̱ kain thi tangi yaa, aro ixin Ndo Dio xruꞌin tangi jii.

Ko jañaa ijeꞌa yoo chujni na̱, jai kayui na̱ kjan na̱ nakuaxinxon chujni. Mexinxin thi ni Ndo Dio binchekjan nakua chujni, chujni chroꞌa santsjendeꞌe choo ni teꞌi.

Jesús ndachro ngain xa: —¿Atsjeꞌa ra Xruen Ndo Dio, thi jitaxin ixin are kainxin kuexiꞌin beꞌe jeꞌe ndo binchechjian ndo xii ko nchrii? Kai jitaxin: “Mexinxin xii sachrjendeꞌe xa ndudee xa ko janee xa ixin sekaꞌo xa jeꞌo chriꞌi xa, ko kayuixin na̱ sinthe na̱ inchin nakuaxinxon chujni.”

Aro Jesús ndachro ngain chujni bakao: —Tanchrjanda ra xan nchinnchinchjan tsii xan ngajin, kayakuenꞌa ra xan, ixin chujni ncheꞌe inchin xan nchinnchinchjan teꞌi, chujni mee sinthe na̱ ngain thi thetuꞌan Ndo Dio.

Aro tsjé chujni xraxaon na̱ ixin jai anto renthe na̱, are mee, xruꞌin tsurenthe na̱, ko ni xraxaon ixin jai rentheꞌa na̱, are mee jeꞌe na̱ icha tsurenthe na̱.

Ko kain chujni kuinthuꞌe nchianduꞌa, xan choo, nchri choo, ndudee, janee, o chriꞌi, o xeꞌen, o jngiꞌi ixin tencheꞌe na̱ xrana, chujni mee sayée na̱ naa renkia icha tsjé ke thi ubechunda na̱ ko kai rukjan na̱ inaa chujni narua ko xruꞌin nchaꞌon tsjexin.

Jesús ndachro ngain xan: —Ja̱ rinao rukjan naa chujni dithikaon kain thi thetuꞌan Ndo Dio, thji ko nchekji kainxin thi chunda ko tunchjeyeꞌe tumia chujni nua, ko tsjé ruchunda nthi̱ꞌa̱ ngajni. Kuthimejan siꞌi ko sakji ná thi jaꞌan sakji.

Jesús ndachro ngain xan: —¿Unda ndachro ixin jaꞌan jian na? Nakuaxinxon thi jian jii ko mee Ndo Dio. Aro ja̱ rinao rukjan inaa chujni narua, dithikaon ko ncheꞌe kain thi kuetuꞌan Ndo Dio.

Icha tangiꞌa naa kucamello sathuxiꞌin ba thuechjeꞌen naa nthachia ke chujni anto tsjé chunda sixiꞌin na̱ ngain thi thetuꞌan Ndo Dio.

Ko jaꞌan rindathjo ra ixin jaan nchao sachrjendeꞌe xa chriꞌi xa, ja̱ bithja nchra tajijuakaꞌo nchra inaa xii. Aro ja̱ jeꞌa ixin jiꞌi, thi xii jitanchrjanda nchra sincheꞌe nchra thi jianꞌa ixin tsjee nchra inaa xii ko xi sekaꞌo nchra rukjan xi kuxeꞌe nchra.

Kuthimejan Jesús ndachro ngain chujni bakao: —Ndua thi rindathjo ra ixin atho tangi ixin naa chujni anto tsjé chunda sixiꞌin ngain thi thetuꞌan Ndo Dio, thi thjen ngajni.