Popular Bible Verses from San Mateo 13

Share

Aro trigo binthji ngain thi jian jinche, mee ruchro thi chujni thiꞌin juajnee Ndo Dio ko ncheꞌe thi ndachro juajna, ko mee inchin trigo binchechjian naa renkia nua ngain nakua ninchjan, ko ikanxion trigo binchechjian nii kan nua ngain nakua ninchjan ko ikanxion trigo binchechjian nii the nua ngain nakua ninchjan.

Ko thi trigo betsinga ngakjan kanchaꞌa, mee ruchro thi chujni thiꞌin juajnee Ndo Dio, aro jeꞌe na̱ icha ta na̱ juachjaon ixin thi jii ngataꞌa nunthe jiꞌi ko thi thiakuꞌen na̱ tumi ndanchetjajin na̱ ko incheꞌa na̱ thi thetuꞌan Ndo Dio.

Are chrujan chujni thiꞌin juajnee Ndo Dio ixin kexreen thetuꞌan ndo, ko jeꞌe thinxinꞌa juajna mee, thii nchiijin ko ndanchetjajin ko ndatjañeꞌe thi binga ngain anseen. Ko chujni jiꞌi inchin trigo betsinga ngandeꞌe nthiꞌá.

Ko trigo betsinga ngagaꞌa xro, mee ruchro chujni thiꞌin juajnee Ndo Dio ko jaikua dayée juajna ngain anseen ko anto chee. Aro seꞌa tunchrjeꞌen ixin ngatuenkua bithuꞌe nuꞌe, jiꞌi ruchro ixin chujni jiꞌi, are anto ta na̱ juachjaon ko tangi tuꞌen na̱ ixin dithikaon na̱ juajnee Ndo Dio, tuin ndadachrjenda na̱.

Ko Jesús kjuaago inaa ko ndachro: —Thi thetuꞌan Ndo Dio, mee inchin naa thi anto renthe jixrabaa ngain naa jngi. Ko are naa chujni dithja thi anto renthe mee, kjan tjabaa inaa. Kuthimejan anto chee sakjan nchianduꞌa ko nchekji kain thi chunda ko theꞌna jngi jixrabaa thi anto renthe mee.

Aro ithuꞌa trigo binthji thi jii jian jinche ko jian guan. Ko kanxion ninchjan bajon naa renkia nuanchjan, ikanxion nuanchjan bajon nii kan nuanchjan ko ikanxion bajon kan ko the nuanchjan.

Icha jian tanchrjanda ra ka sangikaꞌo katrigo, kuthimejan are usikaade na̱ katrigo jaꞌan rundathjan ni ncheꞌe xrana, saꞌo tsaade na̱ ka xrakua katrigo jii, ko tsia na̱ ka ko tsjaaga na̱ ka; ko juxon trigo tsenchiꞌan na̱ ngain nthanetunꞌna.”