Popular Bible Verses from San Lucas 19

Share

Ixin jaꞌan, thi Xii juixin ngajni, juiꞌi bikjee ko nthakjan inaa chujni narua thi chujni ndabitjaan.

Ko ndachro na̱: —¡Ndo Dio sinchenchaon thi Rey juii kunixin juachaxiin Ndo Dio! ¡Thi chrjuin tunuꞌe ni jii nthi̱ꞌa̱ ngajni! ¡Ko kain chujni sinchesayeꞌe na̱ ndo!

Ko Jesús ndachro ngain Zaqueo: —Jai Ndo Dio rinao sinthakjan inaa chujni narua jaꞌa ko chujnia, ixin jaꞌa ndua chujnii Abraham.

Are Jesús batho no nthi̱ꞌa̱, jeꞌe tsjeꞌe nui thi jii Zaqueo ko ndachro: —Zaqueo, jaka danianxin yaa ixin jai jaꞌan rinaꞌo sithuna nchiandui. Kuthimejan Zaqueo daka bania ko anto chee ixin Jesús rukji nchianduꞌa.

Kuthimejan Zaqueo bingathjen ko ndachro ngain Jesús: —Tsjexin Suixin, jaꞌan ruchjaꞌa chujni nua ngusinenxin thi richunda. Ko ja̱ chrujan chujni binthayaa ko kuemaa tumii, jaꞌan tsunkjañaa chujni mee noo nthiꞌa icha tsjé thi jaꞌan kuemaa na̱.

Kuthimejan kanxion xi fariseo te nthi̱ꞌa̱ ngayee chujni binthendachro xa ngain Jesús: —Suixin ke tjaago, nchesatheꞌe chujnia teꞌi. Aro Jesús ndachro ngain xa: —Ja̱ chujni teꞌi rutenkua na̱, xro tsuyao xro.